باس پروكۋراتۋرا كۇلەكبايەۆتى ءولىم جازاسىنا كەسۋگە قاتىستى تۇسىنىك بەردى
الايدا قازاقستاندا وسى ساناتتاعى جازاعا موراتوري جاريالانعان. باس پروكۋراتۋرا وسى ماسەلەگە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.
«پرەزيدەنت جارلىعىنا سايكەس، ەلىمىزدە ءولىم جازاسىنا قاتىستى سوت شەشىمدەرىن ىسكە اسىرۋ توقتاتىلدى. الايدا زاڭ بويىنشا سۋديالارعا ونداي شەشىم شىعارۋعا شەكتەۋ جوق. سوڭعى رەت قازاقستاندا ادامدى ءولىم جازاسىنا كەسۋ تۋرالى شەشىم ون جىل بۇرىن، 2006 -جىلى شىعارىلعان بولاتىن»، - دەيدى باس پروكۋراتۋرانىڭ باسپا ءسوز قىزمەتىنىڭ ماماندارى.
ايتا كەتەيىك، قازاقستاندا ءولىم جازاسىنا موراتري جاريالاۋ تۋرالى جارلىق 2003 -جىلى جەلتوقسان ايىندا كۇشىنە ەنگەن بولاتىن. موراتوريدىڭ مەرزىمى شەكسىز. الايدا موراتوري كەز كەلگەن ۋاقىتتا الىنىپ تاستالۋى مۇمكىن. وسىعان بايلانىستى ءولىم جازاسىنا كەسىلگەن ازاماتتار تۇرمەدە ۇستالادى.
اۆتور: ارمان اسقاروۆ
