اقجارقىن تۇرلىباي سوتتا جىلاپ جىبەردى - فوتو، كەسكىن

گۋاڭجوۋ. قازاقپارات - اقجارقىن تۇرلىباي سوتتا جىلاپ جىبەردى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

ءتوراعالىق ەتۋشى سۋديا اقجارقىنعا جىلى شىراي تانىتىپ، وتىرىس سوڭىندا ونى شيراتىپ قويدى. ول جۋرناليستەرگە اقجارقىننان سۇحبات الۋعا، ۇيالى تەلەفونعا تۇسىرۋگە رۇقسات بەردى.

«بارلىعىنا العىسىم شەكسىز، ەلشىلىككە، ادۆوكاتتارعا. ادىلدىكتىڭ ورنايتىنىنا سەنەمىن، جاقسىلىققا سەنەمىن. تۋىستارىمنىڭ ماعان سەنىپ، مەنى كەشىرگەنىن قالايمىن، رەنىشتەرىن ۇمىتقانىن قالايمىن. قولداۋلارىڭىز ءۇشىن كوپ راقمەت، ۇلكەن راقمەت»، - دەدى اقجاركىن تۇرلىباي.

قازاقستاندىق ادۆوكات سۇڭقار نۇرماعامبەتوۆ اقجارقىنعا وتباسى جىبەرگەن اۋديوحابارلامانى تىڭداتتى. ازىرگە سوت ۇكىم شىعارۋ ءۇشىن اقىلداسۋ بولمەسىنە كەتتى. ادۆوكات فەن جيتسزيان قازاقپارات تىلىشىسىنە بەرگەن سۇحباتتا كەزەكتى وتىرىس پەن سوت شەشىمى 2017 - جىلى قاڭتار ايىنىڭ باسىندا شىعادى دەپ ۇمىتتەنەتىنىن ايتتى.

ەسكە سالا كەتسەك، ق ح ر گۋاڭدۇڭ پروۆينتسياسى گۋاڭجوۋ قالاسىنىڭ ءبىرىنشى ساتىداعى سوتىندا اقجارقىن تۇرلىبايدىڭ ءىسىن قايتا قاراۋ باستالدى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى. وتىرىسقا ءۇش سۋديا، ەكى ايىپتاۋشى، ەكى قىتايلىق ادۆوكات جانە قازاقستاندىق ادۆوكات سۇڭقار نۇرماعامبەتوۆ، ق ر- دىڭ ق ح ر- داعى ەلشىلىگى كونسۋلدىق ءبولىمىنىڭ جەتەكشىسى بولات سىرلىبايەۆ، اۋدارماشى، ستەنوگرافيست، ەكى جاساۋىل، اقجارقىن تۇرلىباي جانە ق ح ر اككرەديتتەلگەن «قازاقپارات» ح ا ا جانە «حابار 24»، «حابار» جۋرناليستەرى قاتىسۋدا. اۋدارماشىنىڭ بولۋىنا قاراماستان اقجارقىن ونىڭ قىزمەتىنەن باس تارتىپ، سوت پروتسەسىن قىتاي تىلىندە وتكىزۋدى ۇيعاردى.