حيتكە اينالعان «قىزىل ورىك» ءانىنىڭ بەينەبايانى شىعادى
بەينەباياندى تانىستىرۋ ءراسىمى 2 -قاراشادا استانا ۋاقىتى بويىنشا ساعات 10.00 مەن 11.00 ارالىعىندا «جۇلدىز ف م» راديوستانسياسىنداعى «تاڭعى شوۋ» باعدارلاماسى مەن س ت ۆ تەلەارناسىنان كورسەتىلەدى. ءاندى ورىنداۋشىلار بەينەباياندى قالاي تۇسىرگەندەرىن تانىستىرۋ راسىمىندە ايتاتىن بولادى.
«جۇلدىز ف م» راديوستانسياسىنىڭ باعدارلامالىق ديرەكتورى جاسۇلان قاليدىڭ ايتۋىنشا، اقىلبەك جەمەنەي «قىزىل ورىك» ءانىن كۋبالىق ءانشى يسااك رەالمەن بىرگە ايتادى.
يسااك رەالدىڭ پروديۋسەرى جاميليا تۇرعامبايەۆانىڭ ايتۋىنشا، كۋبالىق ءانشى اقىلبەككە وسى انگە بەينەبايان ءتۇسىرۋدى ءوزى ۇسىنعان. «ونىڭ قازاق حالقىنىڭ مادەنيەتىنە دەگەن كوزقاراسى جاقسى. وسىمەن 4,5 جىل الماتىدا تۇرىپ جاتقان يسااك قازاقتارعا وسى ءاننىڭ قاتتى ۇنايتىنىن بىلەدى. ول دا وسى ءاندى ءسۇيىپ تىڭدايتىندىقتان، وسىنداي ۇسىنىس جاسادى»، - دەدى ءانشىنىڭ پروديۋسەرى.
«بەينەبايان لاتىن- امەريكالىق ستيلدە تۇسىرىلگەن. بەينەباياندا ەكى ءانشى دە ءبي بيلەيدى»، - دەدى ءجاميليا تۇرعامبايەۆا. پروديۋسەردىڭ ايتۋىنشا، بەينەباياندى ءتۇسىرۋ جۇمىستارى ۇزاققا سوزىلمادى - ءبىر تاۋلىكتىڭ ىشىندە-اق تۇسىرىلگەن. سونىمەن قاتار، كۋبالىق ءانشىنىڭ پروديۋسەرى 29 جاستاعى ءانشىنىڭ قازىرگى ۋاقىتتا قازاق ءتىلىن ۇيرەنىپ جاتقانىن ايتتى.
ايتا كەتەيىك، «قىزىل ورىك» ءانى - كەز كەلگەن مەرەكەلىك ءىس-شارالاردا كەڭىنەن تانىمال بولعان قازاقستاندىق اندەردىڭ ءبىرى.
