ينتەرناتسيوناليست-جاۋىنگەر قوستاناي اكىمىمەن سوتتاسىپ، جەڭىسكە جەتتى

قوستاناي. قازاقپارات - قوستاناي قالاسىندا تۇراتىن ينتەرناتسيوناليست-جاۋىنگەر قالالىق بيلىكتىڭ وعان پاتەرىن قايتارىمسىز جەكەشەلەندىرۋ قۇقىعىن بەرۋدەن باس تارتۋىن سوتتا داۋلادى.

«قازاقپارات» ح ا ا تىلشىسىنە قوستاناي وبلىستىق سوتىنىڭ باسپا ءسوز قىزمەتىنىڭ حابارلاۋىنشا، سوت سونىمەن بىرگە قوستاناي اكىمدىگىن تالاپ قويۋشىمەن ءتيىستى شارت جاساسۋىن مىندەتتەگەن. سوت باسپا ءسوز حاتشىسى ينديرا قۇساينوۆا ءىس ماتەريالدارىنا سايكەس تالاپ قويۋشى سوڭعى 10 جىلدا «ناۋرىز» شاعىناۋدانىندا داۋلاسىپ وتىرعان پاتەرگە يەلىك ەتكەندىگىن ايتادى. «ول وعان مەملەكەتتىك تۇرعىن ءۇي قورىنان بولىنگەن، ءارى بۇل ازامات بۇرىن جەكەشەلەندىرۋگە قاتىسپاعان جانە جىلجىمايتىن مۇلىككە مەنشىك قۇقىعى ونىڭ اتىنا تىركەلمەگەن.

«وسى جىلدىڭ شىلدە ايىندا پاتەر جالداۋشى قالا اكىمىنە ول تۇراتىن تۇرعىنجايدى قايتارۋسىز جەكەشەلەندىرۋ ماسەلەسى بويىنشا جۇگىنگەن، - دەپ ءمالىم ەتتى ي. قۇسايىنوۆا. «وتىنىشىندە ەر ادام ەفيوپيا رەسپۋبليكاسىندا 1987 -جىلدان باستاپ 1988 -جىلدى قوس العاندا قىزمەتىن وتەگەن ينتەرناتسيوناليست- جاۋىنگەر بولىپ تابىلىتىنىن جانە جەڭىلدىكتەرگە قۇقىعى بار ەكەندىگىن كورسەتكەن. ءبىراق تامىزدا ونىڭ ءوتىنىشى قابىلدانباعاندىعىن بىلگەن. سودان كەيىن ءوز قۇقىعىن قورعاماقشى بولىپ سوتقا جۇگىندى».

سوت باس تارتۋدى زاڭسىز دەپ تاپتى، سەبەبى بۇل «ۇلى وتان سوعىسىنا قاتىسۋشىلاردىڭ، مۇگەدەكتەردىڭ جانە ولارعا تەڭەستىرىلگەن تۇلعالاردىڭ جەڭىلدىكتەرى مەن الەۋمەتتىك قورعاۋ تۋرالى» قر زاڭىندا كوزدەلگەن تالاپ قويۋشىنىڭ قۇقىعىن بۇزادى. تالاپ قويۋشى ءوز قۇقىعى بويىنشا زاڭناماعا سايكەس جەڭىلدىكتەر بەرىلگەن اسكەري ءىس- قيمىلدارعا تەڭەستىرىلگەن. ء«ىس ماتەريالدارىن زەرتتەگەن سوت قوستاناي اكىمدىگىنىڭ ارەكەتىن زاڭسىز دەپ تانىدى جانە ينتەرناتسيوناليست- جاۋىنگەرمەن ءتيىستى شارت جاساسۋعا مىندەتتەدى»، - دەپ اتاپ ءوتتى ي. قۇسايىنوۆا ەسكەرتتى.

ءبىرىنشى ساتىداعى سوت شەشىمى ءالى زاڭدى كۇشىنە ەنگەن جوق.