قازاقستاندا دوپينگ ءۇشىن قىلمىستىق جازا ەنگىزىلۋى مۇمكىن
بۇل تۋرالى ru.sputniknews.kz حابارلايدى.
«ءبىز قازىر زاڭدى قاتايتۋدى جوسپارلاپ وتىرمىز. مۇنى پارلامەنت ارقىلى «دەنە مادەنيەتى جانە سپورت تۋرالى» زاڭعا وزگەرتۋلەر ەنگىزۋ ارقىلى جاساماقپىز. ول جاعدايدا دوپينگ قابىلداعاندار قىلمىستىق جاۋاپكەرشىلىككە تارتىلادى. پرەپاراتتاردى پايدالانعانى ءۇشىن دارىگەر، باپكەر، باسقا دا قاتىسى بار ادامدار جاۋاپ بەرەدى»، - دەدى مينيستر ورىنباسارى ساكەن مۇسايبەكوۆ.
بۇعان دەيىن حالىقارالىق وليمپيادا كوميتەتى ءۇش قازاقستاندىق اۋىر اتلەت - مايا مانەزا، زۋلفيا چينشانلو، سۆەتلانا پودوبەدوۆانىڭ دوپينگپەن ۇستالىپ، 2012-جىلى لوندون وليمپياداسىندا العان التىن جۇلدەلەرىنەن ايىرىلعانى تۋرالى رەسمي حابارلاعان ەدى.
كەيىنىرەك مينيسترلىك اتالمىش سپورتشىلاردىڭ التىن جۇلدە ءۇشىن العان مەملەكەتتىك سىياقىلارىن قايتارمايتىنىن دا مالىمدەگەن ەدى.
