رەسەيلىك الاياق الماتىدا تەرەزە ورناتۋ شەبەرىمىن دەپ ميلليونداعان اقشانى قولدى ەتكەن

الماتى. قازاقپارات - الماتى پوليتسەيلەرى پلاستيك تەرەزە دايىنداۋ شەبەرىمىن دەپ كليەنتتەردەن اقشا الىپ، مىندەتىن ورىنداماعان الاياقتى ۇستادى، دەپ حابارلادى «قازاقپارات» ح ا ا ءتىلشىسى قالالىق ءى ءى د باسپا ءسوز قىزمەتىنە سىلتەمە جاساپ.

«الماتى اۋەزوۆ اۋدانىنىڭ پوليتسياسى 1977-جىلى تۋعان ازامات ستاشكوۆسكي ولەگتىڭ باسقا قىلمىستارعا قاتىستىلىعىنىڭ بار-جوعىن تەكسەرۋدە. ول پلاستيك تەرەزە جاساۋ شەبەرىمىن دەپ الەۋەتتى كليەنتتەردەن اقشا جيناپ، ءوز مىندەتىن ورىنداماعان»، - دەيدى پوليتسەيلەر.

پوليتسەيلەردىڭ دەرەكتەرىنە سايكەس ونىڭ وسى سەناريدە 10 الاياقتىق جاساعانى دالەلدەندى. ازاماتتارعا كەلتىرىلگەن ماتەريالدىق شىعىن - 4 ميلليون تەڭگەدەن اسادى.

«ازامات س. رەسەي فەدەراتسياسىنىڭ قۇزىرىندا. قازاقستاندا ۋاقىتشا قاپشاعاي قالاسىندا تۇرعان. كريمينالدىق پوليتسيا قىزمەتكەرلەرى ونى سول جەردەن ۇستادى. سوت الدى تەرگەۋ كەزەڭىندە «تۇتقىنداۋ» بۇلتارپاۋ شاراسى قابىلداندى»، - دەپ حابارلادى ءى ءى ب باستىعى پوليتسيا پولكوۆنيگى باقىت قاسابەكوۆ. «ءوندىرىس اياسىندا كۇدىكتىنىڭ باسقا، ونىڭ ىشىندە الماتى اۋماعىندا قىلمىسقا قاتىستىلىعىنىڭ بار-جوعى تەكسەرىلەدى.