الماتى اۋەجايىنىڭ ماڭىنداعى كول دەمالىس ايماعىنا اينالماق
اۋەجاي ماڭىنداعى كولگە بۇرىن كوپ ادام كەلەتىن. ءبىراق، اكىم وعان دەر كەزىندە جوندەۋ جۇمىستارى جۇرگىزىلمەگەندىكتەن، كولدىڭ ءسانى كەتكەنىن ايتادى.
قالالىق تۇتىنۋشىلاردىڭ قۇقىقتارىن قورعاۋ دەپارتامەنتى سىنامالار الىپ، بۇل سۋعا شومىلۋعا بولمايتىنىن انىقتاعان. «بۇل ءبىزدىڭ باس اۋرۋىمىزعا اينالدى. سونداي كورىكتى جەردى قالىپقا كەلتىرىپ، پايدالانا الماي وتىرمىز. شامامەن بەس جىل بۇرىن وسى كولدە دەمالىس ايماعىن قۇرۋ ءۇشىن كەلگەن نەمىس فيرماسى بىزبەن بىرلەسە جۇمىس اتقارعىسى كەلگەن. ولار بيزنەس-جوسپار جاساپ، ول بەكىتىلىپ قويعان دا ەدى. الدىمەن ولار اۋماقتى 50 جىلعا جالعا العىلارى كەلدى. ءبىراق تا ءبىز ءۇش جىلعا جالعا الۋدى ۇسىندىق. ءبىز ولارعا ءۇش جىل ىشىندە كولدى تازارتۋلارى كەرەك ەكەندىگىن، سودان سوڭ بارىپ ۇزاق مەرزىمگە جالعا بەرۋگە شارتتى ۇزارتۋ تۋرالى اڭگىمە بولاتىنىن ايتتىق. ولار كولدىڭ تومەنگى جاعىنان سۋ اعىزىپ، كولدىڭ سۋىن قۇرعاتىپ، تازارتۋ جۇمىستارىن باستادى. ءبىراق ديرەكتورى اۋىرىپ قالىپ، بارلىعىن توقتاتتى. ءۇش جىلعى جالداۋ مەرزىمى اياقتالدى»، - دەدى ۆ. ۋستيۋگوۆ.
اكىم اۋەجاي ماڭى كولىنىڭ ماسەلەسى ءالى كۇنگە دەيىن ونى مازالاپ جۇرگەنىن ايتادى. «قازىر ءبىز ءوز كۇشىمىزبەن اۋەجاي ماڭى كولىن سايران كولىنە اينالدىرعىمىز كەلەدى، بۇعان اقشا بولدىك، ەندى ينۆەستورلار ىزدەيتىن بولامىز. ءبىز كولدىڭ تولىق اۋماعىنىڭ ۆيدەوسىن تۇسىردىك جانە ونى بىزدە 13 گەكتار كول مەن ورمان پاركى بار ەكەندىگىن ايتا وتىرىپ، قالالىق تابيعي رەسۋرستار باسقارماسىنا كورسەتتىك. سول كەزدە الماتى اكىمىنىڭ ورىنباسارى ەرلان اۋكەنوۆ كول مەن ورمان پاركىن اباتتاندىرۋ ءۇشىن جوبالىق-سمەتالىق قۇجاتتاماعا قاراجات سالۋعا تاپسىرما بەرگەن بولاتىن»، - دەپ ەسىنە الدى ول.
سونىمەن قاتار اۋدان باسشىسى ۇزىندىعى 4 كيلومەتر سۇلتان- قاراسۋ وزەنىندە جۇرگىزىلگەن جۇمىستار تۋرالى ايتتى. ونىڭ اياقتالۋ مەرزىمى - اعىمداعى جىلعى جەلتوقسان ايى.
