سمارتفون مەن پلانشەتتى ۇيقى الدىندا پايدالانۋدىڭ قانداي زيانى بار ەكەنى بەلگىلى بولدى

استانا. قازاقپارات - ۇيىقتار الدىندا سمارتفون مەن پلانشەتتەر پايدالاناتىن بالالار جاتار الدىندا گادجەتتەردى قولدانبايتىندارعا قاراعاندا ۇيىقىنىڭ بۇزىلۋىنان ەكى ەسە ارتىق زيان كورەدى ەكەن.

بۇل جايتتى لوندوننىڭ كورولدىك كوللەدجىندەگى زەرتتەۋشىلەر انىقتادى، - دەپ حابارلايدى Lenta.ru.

عالىمدار 6-19 جاس ارالىعىعىنداعى 125 مىڭ بالا قاتىسقان 20 زەرتتەۋدىڭ قوىرىتىندىسىنا ساراپتاما جۇرگىزگەن. ساراپتاما قورىتىندىسى سمارتفوندار مەن وزگە دە قۇرىلعىلاردى جاتار الدىندا قولدانۋ ۇيقىنىڭ قانباۋى مەن كۇندىزگى ۋاقىتتا ماۋجىراپ وتىرۋعا تىكەلەي قاتىستى ەكەنىن كورسەتكەن. ءتىپتى گادجەتتەردىڭ بولمەدە بولۋى جاقسى ۇيقىعا بوگەت بولادى ەكەن. بۇل بالالاردىڭ ۇنەمى جاۋاپ بەرۋگە دايىن وتىرىپ، حابارلاما كەلۋىن كۇتۋىنە بايلانىستى.

ۇيقىنىڭ قانباۋى بالاردىڭ دەنساۋلىعىنا كەرى اسەر ەتەدى، تابەتتى جويىپ، ارتىق سالماق جيناۋعا اكەلەدى. تىپتەن يممۋن جۇيەسىنىڭ السىرەپ، بويدىڭ ءوسۋىن تەجەيدى، سونىمەن بىرگە پسيحولوگيالىق اۋىرتپالىقتارعا اكەلەدى.

زەرتتەۋشىلەردىڭ ايتۋىنشا، گادجەتتەردىڭ كۇن وتكەن سايىن كوپتەپ تارالۋى بالالار ۇيقىسىنىڭ مۇلدە بۇزىلۋىنا جەتكىزەدى. بۇل ماسەلەنى بالالاردىڭ سمارتفونعا قولجەتىمدىلىگىن شەكتەپ، ۇيقىعا دۇرىس جاتۋ ءتارتىبىن ساقتاۋ ارقىلى شەشۋگە بولادى ەكەن.

Kaz.tengrinews