ۇلتتىق ناقىشتاعى كيىمدەر ساتىلاتىن پاۆيلون اشىلدى
ق ر جەڭىل ونەركاسىپ كاسىپورىندارى قاۋىمداستىعى «حالىق ماركاسى» قازاقستاندىق تاۋارلار مەن قىزمەتتەردىڭ ساپاسىن باقىلاۋ جۇيەسى فەدەراتسياسى» زاڭدى تۇلعالار بىرلەستىگىمەن جانە ق ر ساۋدا كاسىپورىندارى قاۋىمداستىعىمەن بىرلەسىپ، «اتامەكەن» ۇلتتىق كاسىپكەرلەر پالاتاسى قولداۋىمەن، وتاندىق تاۋار وندىرۋشىلەردى قولداۋ ماقساتىندا «قازاقستاندا جاسالعان - حالىق ماركاسى» پاۆيلونىنىڭ اۋماعىندا جەڭىل ونەركاسىپ سەكتورىن اشىپ جاتىر. ول «سامعاۋ» ساۋدا ءۇيىنىڭ الاڭىنداعى كورمە-جارمەڭكەدە ورنالاسقان.
جەڭىل ونەركاسىپ سەكتورىنىڭ اشىلۋ سالتاناتىنا مينيسترلىك، اكىمدىك جانە «اتامەكەن» ق ر ۇلتتىق كاسىپكەرلەر پالاتاسىنىڭ وكىلدەرى، سالالىق بىرلەستىكتەر مەن بيزنەس- قاۋىمداستىقتار قاتىستى.
بۇگىنگى تاڭدا اتالعان جوباعا قازاقستانداعى 100 دەن استام كومپانيا قاتىسىپ وتىر. سونىمەن قاتار «سامعاۋ» ساۋدا ءۇيىنىڭ الاڭىنا 500 دەن استام وتاندىق ءونىمدى تارتۋ جوسپارلانعان.
ەستەرىڭىزگە سالا كەتسەك، «سامعاۋ» ساۋدا ۇيىندەگى العاشقى «قازاقستاندا جاسالعان - حالىق ماركاسى» ساۋدا- كورمە پاۆيلونىنىڭ اياسىندا، ۇزدىك وڭىرلىك وندىرۋشىلەردىڭ تاۋارلارلارى مەن قىزمەتتەرىن تانىمال ەتۋ ماقساتىندا، پاۆيلوننان 6 شارشى مەتردەن باستاپ 100 شارشى مەترگە دەيىنگى اۋماق ءبىر جىلعا تەگىن جالعا بەرىلەدى. سونىمەن قاتار، ءوندىرۋشى «حالىق ماركاسى» بەلگىسى مەن سەرتيفيكاتىن 2 جىل بويى جارنامالىق ماقساتتا پايدالانا جانە «سامعاۋ» جۋرناليستەر اراسىنداعى ۇلتتىق بايقاۋى اياسىندا جارناما جانە ماركەتينگ جۇرگىزە جانە ەكسپو - 2017 كورمەسى كەزىندە ءوز ونىمدەرىن تانىستىرا الادى.
«قازاقستاندا جاسالعان - حالىق ماركاسى» پاۆيلونى استانا قالاسىنىڭ تۋريستىك كارتاسىنا ەنەدى. ول ءوز كەزەگىندە ساۋدا ورتالىعىنا كەلۋشىلەردىڭ سانىن ارتتىرادى.
بۇل جوبانى جۇزەگە اسىرۋ بارىسىندا جەڭىل ونەركاسىپ سالاسىنداعى وتاندىق تاۋار وندىرۋشىلەردىڭ ءونىمىنىڭ سانى ارتادى، قوسىمشا جۇمىس ورىندارى قۇرىلىپ، جەڭىل ونەركاسىپتىڭ دامۋىنا جول اشادى.
تاعى ءبىر ەلەۋلى وقيعانى ايتا كەتكەنىمىز ءجون. ق ر «جاسىل ورمان» ورمان شارۋاشىلىعى جانە ورماندى قايتا وڭدەۋ ۇيىمدارىنىڭ قاۋىمداستىعى ز ت ب اتقارۋشى ديرەكتورى لاۋرا سەيفۋللينا جانە «جەڭىل ونەركاسىپ كاسىپورىندارىنىڭ قاۋىمداستىعى» ديرەكتورى ليۋبوۆ حۋدوۆايا ىنتىماقتاستىق تۋرالى مەموراندۋمعا قول قويدى. قوس تاراپ كەلەسى باعىتتار بويىنشا ءوزارا بايلانىسقا كەلىستى.
ولار سالاداعى كاسىپورىندار اراسىندا وندىرىستىك كووپەراتسيانى دامىتۋ ماقساتىندا بىرلەسكەن شارالار ۇيىمداستىرۋ؛ كورمە- جارمەڭكە جانە كونگرەسستىك قىزمەتتى دامىتۋ جانە سالا كاسىپورىندارىنىڭ قاتىسۋىن قامتاماسىز ەتۋ؛ مامان دايارلاۋدىڭ زاماناۋي ادىستەمەسىن ەنگىزۋ؛ وقىتۋ سەمينارلارى مەن تاجىريبە الماسۋ شارالارىن بىرلەسىپ ۇيىمداستىرۋ؛ باسپا جانە ەلەكتروندى باسىلىمداردى شىعارۋ؛ ەكونوميكالىق قاۋىپسىزدىكتى قامتاماسىز ەتۋ؛ سونىمەن قاتار ورمان شارۋاشىلىعى قىزمەتكەرلەرىنە ارنايى كيىم دايىنداۋ بويىنشا بىرلەسكەن جوبالاردى جاساۋعا باعىتتالعان شارالاردى قابىلداۋ.
