قىتايدا كەدەي وڭىرلەرگە كومەكتەسەتىن قور قۇرىلدى

استانا. قازاقپارات - قىتايدىڭ مەملەكەتتىك كومپانيالارى ەلدىڭ كەدەي ايماقتارىنداعى ەكونوميكانى كوتەرەتىن ارنايى قور قۇردى.

قور قۇرىلتايشىلارىنىڭ اراسىندا دامۋ جانە ينۆەستيتسيا مەملەكەتتىك كورپوراتسياسى دا بار. قورعا جالپى سانى 51 كومپانيا ات سالىسقان. ولاردىڭ بارلىعى مەملەكەت كاپيتالىمەن جۇمىس ىستەيدى.

قوردىڭ باستاپقى قارجىلىق كولەمى 2 ميلليارد دوللار شاماسىندا. كەيىنىرەك بۇل كورسەتكىش 20 ميلليارد دوللارعا دەيىن ۇلعايماق.

بۇل قاراجات ينۆەستيتسيا رەتىندە تابيعي بايلىقتاردى يگەرۋگە جانە ونەركاسىپ ورىندارداعى تەحنيكالىق قۇرىلعىلاردى جاڭارتۋعا پايدالانىلماق.

قور قارجىسى ەلدىڭ ەڭ كەدەي 14 وڭىرىنە باعىتتالادى.

قىتاي ۇكىمەتى كەدەيشىلىكپەن كۇرەستى باستى ساياسات رەتىندە ۇستانعان. وسى ماقساتتا الداعى ۋاقىتتا 70 ميلليوننان استام حالىقتى كەدەيلىكتەن الىپ شىقپاق. بۇل تۋرالى naryk.kz حابارالايدى.