قازاقستاندىق «كەلىمسەكتەر اۋىلدا» كومەدياسى قىرعىزستاندا كورسەتىلەدى

استانا. قازاقپارات - «كەلىمسەكتەر اۋىلدا» اتتى تۇڭعىش قازاقستاندىق فانتاستيكالىق كومەديا قازاقستاندا عانا ەمەس، قىرعىزستاندا دا كورسەتىلەدى.

بۇل تۋرالى قازاقپارات تىلشىسىنە Samai Media كينوكومپانياسىنىڭ PR- ديرەكتورى دانيا ازاتوۆا حابارلادى.

سونىمەن بىرگە، ول كارتينا پرەمەراسىنىڭ 1 -جەلتوقساننان 15 -جەلتوقسانعا اۋىسقانىن حابارلادى. سەبەبى، تىلشىسىنە Samai Media مەن قىتايلىق كينوكومپانيا فيلمدى شينجاڭ ۇيعىر اۆتونوميالىق ولكەسىندە كورسەتۋ تۋرالى كەلىسسوزدەر جۇرگىزىپ جاتىر.

«قىتايلىق تاراپتىڭ شارتىنا سايكەس، كەلىسسوزدەر اياقتالعانشا فيلم كورسەتىلىمى باستالماۋ كەرەك.

«كەلىمسەكتەر اۋىلدا» فيلمىنىڭ پرەمەراسى 2016 -جىلى 1 -جەلتوقساندا ءوتۋى ءتيىس ەدى. فيلمدى قازاقستان مەن قىرعىزستاندا كورسەتۋ جوسپارلانۋدا»، - دەلىنگەن حابارلامادا.

ەسكە سالا كەتسەك، فيلمدە پروديۋسەر جانە اكتەر نۇرتاس ادامبايعا ۇقسايتىن 22 جاستاعى ەرجان تۇرساعۇلوۆ وينايدى. ءتۇسىرىلىم جۇمىستارى شىلدە ايىندا باستالدى جانە ءبىر ايعا جۋىق الماتى وبلىسىنداعى قاسكەلەڭ، ءۇشقوڭىر اۋىلدارىندا ءجۇردى. اكتەرلەر كاستينگتەر مەن تەاترلاردان ىرىكتەلدى.