اسانالى ءاشىموۆ: ەكراننان بەس مينۋت بويى ءسۇيىستىرىپ قوياتىن كينولاردى قىسقارتۋ كەرەك

 استانا. قازاقپارات - الماتى قالاسىندا وتكەن «مادەنيەت بويىنشا زاڭنامالارعا وزگەرىستەر ەنگىزۋ تۋرالى» جيىندا قازىرگى تەاترلاردىڭ جاعدايى تالقىعا سالىندى.

وندا ەلىمىزدەگى كەيبىر تەاترلار مەن كىتاپحانالاردىڭ مەملەكەت رۇقساتىنسىز جابىلىپ جاتقانى تالقىعا سالىندى. جانە بۇدان كەيىن تەاتر ورىندارى اشىلسا جانە جابىلۋى ءتيىس جاعداي بولسا مادەنيەت مينيسترلىگىنەن رۇقسات السا دەگەن ۇسىنىس ايتىلدى. سونىمەن قوسا ب ا ق وكىلدەرى مەن حالىقتىڭ سۇراۋى بويىنشا، كينوداعى بەيادەپ سوزدەرگە تىيىم سالۋ تۋرالى زاڭدا تالقىعا سالىندى.

وسى ورايدا ق ر ەڭبەك سىڭىرگەن تەاتر ءارتىسى اسانالى اشىموۆكە ءسوز كەزەگى بەرىلىپ، ابىز ءارتىسىمىز بىلاي دەپ ءازىل- شىنى ارالاس پىكىر ءبىلدىردى: ولجاس ەكەۋمىز سەكسەن جىل بويى زاڭسىز جۇمىس ىستەپ كەلە جاتىر ەكەنبىز. سوندا دا ونەر ءۇشىن ەڭبەك ەتىپ، شىعارماشىلىقپەن اينالىستىق. ال قازىر زاڭ باسقا، بىزگە ناقتى زاڭ كەرەك. كەي جاعدايدا عانا وزگەرىستەر ەنگىزبەسەك. ال كينودان سەنزۋرالى سوزدەردى الۋ دەگەن زاڭ بار ەكەن. ونداعى ەموتسيانى بىلدىرەتىن كينو ءتىلىن قىسقارتۋ، بۇركىتتىڭ تىرناعىن الۋمەن بىردەي. جاڭا فيلولوگتار تارپىنان ايتىلعان ەر ادامنىڭ، ايەل ادامنىڭ جىنىس مۇشەسىنە قاتىستى سوزدەردى الىپ تاستاۋ كەرەك دەگەن پىكىرگە قولداۋ بىلدىرەمىن.

قازىرگى جاستار ومىردەگى توسەك پەن ونەردەگى شىعارماشىلىقتى شاتاستىرىپ الىپ جاتادى، ەكران الدىندا بەس مينۋت بويى ءسۇيىستىرىپ قويۋدى دوعارۋ كەرەك. ونداي كينولاردى ايەلىڭمەن كورەرسىڭ جارايدى، ال بالا- شاعامەن قالاي قارايمىز؟ ! سوندىقتان وسى جاعىن زاڭداستىرعان دۇرىس بولار. جوعارىدا ايتىلعان ۇسىنىستارعا قارسى شىعۋشىلار بولمادى، ەندى بۇل زاڭدار ۇكىمەتتە تالقىعا سالىنىپ، بيلىك ءبىر شەشىم شىعاراتىن بولىپ تاراستى.

  Qamshy.kz