ەلوردادا وتەتىن الماتى كۇندەرىندە كوپتەگەن مادەني شارالار ۇيىمداستىرىلادى
5 - قاراشادا ساعات 11.00-دە ق ر ۇلتتىق مۋزەيىندە «الماتى - تاۋەلسىزدىكتىڭ التىن بەسىگى» مۋلتيمەديالىق كورمەسى مەن الماتى تۋرالى فوتوكورمەنىڭ اشىلۋى وتەدى. وندا الماتى تاريح مۋزەيى قورىنان ەكسپوناتتار ۇسىنىلادى.
كورمەنىڭ مۋلتيمەديالىق كونتەنتىن جەتىسۋعا جانە كونە داۋىردەن وسى ۋاقىتقا دەيىنگى كەزەڭدى قامتيتىن العاشقى قازاقستاندىق مەگاپوليسكە ارنالعان بىرەگەي تاريحي سۋرەتتەر قۇرايدى. سونداي- اق كورمەگە الماتى قالاسى بويىنشا D3 تۋر ۇسىنىلادى. استانا قوناقتارى مەن تۇرعىندارى قالانىڭ تانىمال، مادەني، ماڭىزدى نىساندارىمەن تانىسا الادى. كورمە 2016 -جىلعى 5 - جەلتوقسانعا دەيىن جالعاسادى.
5 جانە 6 - قاراشادا الماتى قالاسى مادەنيەت جانە مۇراعاتتار باسقارماسىنىڭ مەملەكەتتىك قۋىرشاق تەاترى استانا قالاسىنىڭ ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق درامالىق تەاترىنىڭ ساحناسىندا «التىن ادام» اڭىز سپەكتاكلىنىڭ قويىلىمىن، سونداي- اق «قۋىرشاقتار شوۋى» مەرەكەلىك سپەكتاكلىن ۇيىمداستىرادى. تەاتردىڭ فويەسىندە ەكى كۇن بويى تەاتر ۇيىمداستىرعان «قۋىرشاقتار كورمەسى» وتەدى.
5 -قاراشا ساعات 15.00-دە ۇلتتىق كىتاپحانادا استانا قالاسىنىڭ جاستارىمەن تانىمال قازىرگى اقىنداردىڭ كەزدەسۋى وتەدى: عالىم جايلىباي، مارالتاي ىبىرايەۆ، قاسىمحان بەگمانوۆ، جاناربەك ءاشىمجانوۆ جانە ت. ب.
ءدال وسى كۇنى ساعات 18.00-دە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان، الماتى قالاسى اكىمىنىڭ ەسترادا- سيمفونيالىق وركەسترى مەن قازاقستان ەستراداسى جۇلدىزدارىنىڭ قاتىسۋىمەن «الماتى - تاۋەلسىزدىكتىڭ التىن بەسىگى» اتتى گالا- كونسەرت وتەدى. كونسەرتكە ايقىن تولەپبەرگەنوۆ، لۋينا، ديماش قۇدايبەرگەنوۆ، ديانا شاراپوۆا، ءالي وقاپوۆ، «مۇزارت»، «قوڭىر»، «كەشيۋ» «جىگىتتەر»، «سارىن» جانە «رينگو» توپتارى قاتىسادى.
6 - قاراشا ساعات 15.00-دە بەيبىتشىلىك جانە كەلىسىم سارايىندا «سازگەن سازى» فولكلورلىق- ەتنوگرافيالىق ءانسامبلى مەن نۇرجان جانپەيىسوۆ، تالعات ءابۋعازى، ايگۇل قوسانوۆا، شولپان دارجانوۆا، ۇلجان بايبوسىنوۆا، تىلەۋلەس قۇرمانعالييەۆ سەكىلدى تانىمال ءداستۇرلى ونەر ورىنداۋشىلارىنىڭ قاتىسۋىمەن «ماڭگىلىك مۇرات» اتتى ءداستۇرلى مۋزىكا كونسەرتى وتەدى.
