اقان ساتايەۆ جاڭا فيلمىنىڭ تۇساۋىن كەستى

الماتى. قازاقپارات - الماتىدا اقان ساتايەۆتىڭ «رايونى» فيلمىنىڭ الدىن الا كورسەتىلىمى ءوتتى، دەپ حابارلايدى قازاقپارات.

«ءبىز كارتينانىڭ تاقىرىبىن ۇزاق ىزدەدىك. ەكى ايدان كەيىن جاستار دراماسىن تۇسىرەتىنىمىزدى شەشتىك. كوپتەگەن تالانتتى جاس ارىپتەستەرىمىزدى جۇمىلدىرعىمىز كەلدى، ءبىراق ونى ىسكە اسىرا المادىق. دەگەنمەن، ولارمەن كەلەشەكتە جۇمىس ىستەيتىن بولامىز دەگەن ويدامىن. ويتكەنى كەلەسى جىلعا كوپتەگەن فيلمدەر جوسپارلانۋدا. «انا» ءفيلمى ءوندىرىس ۇستىندە، دايىندىق كەزەڭىندە ءبىر كومەديا تۇر»، دەپ ءبولىستى جوسپارلارىمەن باسپا ءسوز- ءماسليحاتىندا اقان ساتايەۆ.

كارتينا 1980- جىلداردىڭ اياق كەزەڭىن قامتيدى جانە وندا الماتىنىڭ سول كەزدەگى ءومىرى باياندالعان. فيلم جاڭا مەكتەپكە كەلىپ، جاڭا دوستاردى تاپقان، ونىمەن ءبىر مەزگىلدە يەرارحيامەن جانە وزگە دە «بالالارعا ءتان ەمەس» قيىندىقتارمەن بەتپە-بەت كەزدەسكەن ارسەن ەسىمدى بالا تۋرالى تۇسىرىلگەن. وندا اسەل ساعاتوۆا، گۇلنار دوسماتوۆا، جاندوس ايباسوۆ سەكىلدى بەلگىلى اكتەرلارمەن قاتار، ءبىرقاتار دەبيۋتانتتار دا تۇسكەن. ولاردىڭ اراسىندا اقان ساتايەۆتىڭ قىزى - ءماريام دا بار.

ايتا كەتەيىك، اقان ساتايەۆ «رەكەتير»، «اداسقاندار»، «جاۋجۇرەك مىڭ بالا»، «ليكۆيداتور، «اناعا اپارار جول»، «اعايىندىلار» سەريالىنىڭ رەجيسسەرى بولىپ تابىلادى.