قازاقستاندىقتاردىڭ ۇيالى تەلەفون بايلانىسىندا ىركىلىستەر بولۋى مۇمكىن
حابارلامانىڭ ءمان-جايىن Tele2 كومپانياسى باسپا ءسوز قىزمەتىنىڭ وكىلى ولجاس بيبانوۆ ءتۇسىندىرىپ بەردى، دەپ حابارلايدى قازاقپارات.
«نەگىزىندە ەشقانداي ىركىلىستەر جوسپارلانباعان. ءوز ابونەنتتەرىمىزگە تاراتقان ەسكەرتۋدە اڭگىمە جەكەلەگەن سەرۆيستەردىڭ (داۋىستى جانە ينتەرنەتتى سەرۆيستەر) جۇمىسىندا بولۋى مۇمكىن قىسقامەرزىمدى قيىندىقتار تۋراسىندا بولىپ وتىر. بۇل رەتتە، ولار ناقتى ورىن الادى دەگەن ءسوز ەمەس. ويتكەنى ءبىز بۇل تەحنيكالىق جۇمىستاردى جۇرگىزۋگە تياناقتى دايىندالدىق. ماسەلە ابونەنت تۇتىناتىن ترافيكتى ەسەپتەيتىن - بيللينگ جۇيەسىن قايتا جونگە كەلتىرۋدە بولىپ وتىر»، - دەپ اتاپ ءوتتى ول.
ونىڭ ايتۋىنشا، ادەتتە وپەراتورلار مۇنداي جۇمىستاردىڭ جۇرگىزىلەتىندىگى تۋرالى حابارلامايدى، سەبەبى، ولار ابونەنتتەردىڭ بولماشى عانا سانىنا اسەر ەتەدى.
«ءبىز ابونەنتتەرىمىز تەلەفونمەن بولاتىن ماڭىزدى كەلىسسوزدەردى جوسپارلاپ الۋى ءۇشىن ولاردى الدىن الا ەسكەرتۋدى شەشتىك. اعىمداعى جىلدىڭ اقپان ايىنان باستاپ التەل مەن Tele2 كومپانيالارىنىڭ بىرىگۋى ءجۇرىپ جاتىر، ول جەلىنى بىرىكتىرۋ بويىنشا تەحنيكالىق جۇمىستاردىڭ كەشەنىن قامتيدى»، - دەدى ول.
قازاقستاندا التەل مەن Tele2 ابونەنتتەرىنىڭ سانى 6,4 ميلليون ادامدى قۇرايدى. «التەل» ج ش س قازاقتەلەكوم مەن Tele2 Group-تىڭ بىرلەسكەن كومپانياسى بولىپ تابىلادى.
