دەنساۋلىق: ەستە ساقتاۋ قابىلەتىن جاقسارتۋ

استانا. قازاقپارات - تاماشا ەستە ساقتاۋ قابىلەتى. ونى قالاي دامىتۋ نەمەسە قالاي ونى ناشارلاتىپ الماۋ؟ ەستە ساقتاۋ قابىلەتىنە ارنالعان بىرنەشە جاتتىعۋلار.

تاڭدايقاقتىرارلىق ەستە ساقتاۋ قابىلەتىمەن تالايلاردىڭ نازارىن اۋدارۋ مۇمكىن بە؟ ارينە! كەيبىر ەرىنشەكتەر ەستەۋ ساقتاۋ قابىلەتىنىڭ كەرەمەت بولعانىن قالايدى، دەگەنمەن قيىن جولمەن ەمەس. ول دا مۇمكىن، ارينە. دەسە دە، جاتىعۋ قالاي، قانشالىقتى بولسا دا جۇيەلىلىكتى قاجەت ەتەدى.

كۇننەن- كۇنگە دامۋ ءۇشىن كۇندەلىكتى ومىردە ەستە ساقتاۋ قابىلەتىن قالاي جاقسارتا الامىز؟

- ەگەر ءسىز وڭاقاي بولساڭىز، ءتىسىڭىزدى سول قولمەن جۋىڭىز، ال ەگەر سولاقاي بولساڭىز، وڭ قولمەن جۋىڭىز. سوندا ءسىزدىڭ ميىڭىزدىڭ ەكىنشى جارتىسى داعدىلانىپ، ەستە ساقتاۋ مەن ويلاۋ قابىلەتىڭىز جاقسارا تۇسەدى.

- دۇكەنگە باراردا الاتىن زاتتارىڭىزدىڭ ءتىزىمىن قاعازعا ەمەس، ەسىڭىزگە ساقتاڭىز. ايتپەسە، 60 جاسقا قاراي دۇكەنگە بارعاندا جاعدايىڭىز قيىنداي تۇسەدى.

- ءار فيلمدى كورگەن سايىن باسىنان سوڭىنا دەيىنگى كادرلاردى وي تىزبەگىنەن وتكىزىڭىز. بۇل جاتتتىعۋعا 20 سەكۋندىڭىز كەتەدى، دەگەنمەن، ناتيجەسى كەرەمەت.

- كۇن سايىن ءتۇرلى ادەبي شىعارمالار وقىپ وتىرىڭىز. كەم دەگەندە اپتاسىنا 1 كىتاپ. سوندا 1 -جىلدا - 52 كىتاپ، 10 جىلدا 520 كىتاپ وقىعان بولاسىز!

- ەگەر سىزگە شىنىمەن كەرەمەت ەستە ساقتاۋ قابىلەتى كەرەك بولسا، كۇندە ءبىر قارا ولەڭ جاتتاپ وتىرىڭىز، تۋرا سول سىزبا بويىنشا، ياعني اپتاسىنا 1 ولەڭ، جىلىنا 52 ولەڭ.

- تاعامىڭىزدىڭ قۇرامىندا جەر جاڭعاعى، بال، تەڭىز ورامجاپىراعى بولسىن، سالماعىڭىزدى رەتكە كەلتىرىڭىز، قىدىرىڭىز، ءاردايىم قوزعالىستا بولىڭىز!

- تاعى دا ايتا كەتەتىنىمىز، تالايلاردى تاڭعالدىرار تاماشا ەستە ساقتاۋ قابىلەتى بولعانىن قالاساڭىز، وندا تەمەكىدەن باس تارتىڭىز! عاشىق بولىڭىز! سوندا قانداعى ازوت وكسيدى دۇرىستالىپ، زاقىمدالعان تامىرلاردى رەتتەيدى، ميىڭىز جىلدام جۇمىس ىستەيتىن بولادى، دەپ جازادى anabol.kz سايتى.