ۇلتتىق ۇلان بولىمدەرىنىڭ اۋماعىندا قۇربان شالۋعا تىيىم سالىنعان
بۇل تۋرالى بۇگىن ورتالىق كوممۋنيكاتسيالار قىزمەتىنىڭ بريفينگىسىنە قاتىسا وتىرىپ، ق ر ۇلتتىق ۇلان باس قولباسشىسىنىڭ ورىنباسارى مۇحامەتقالي ساتوۆ ءمالىم ەتتى، دەپ حابارلايدى قازاقپارات.
«2009-جىلى باس قولباسشى ارنايى ۇكىم شىعارىپ، ول ۇكىم اسكەري بولىمدەرىمىزدىڭ بارلىعىنا جىبەرىلگەن. سول ۇكىمگە ساي، ۇلتتىق ۇلاننىڭ اسكەري بولىمدەرىندە ءدىني جورالارعا، سونىڭ ىشىندە، قۇربان شالۋعا قاتاڭ تىيىم سالىنعان. ءبىر كەزدە اسكەري ءبولىمنىڭ الاڭقايىنا مال اكەلىپ، قۇربان شالعان جاعداي بولعان ەدى. ءبىراق، قازىر بۇنىڭ بارىنە تىيىم سالدىق»، - دەدى م. ساتوۆ جۋرناليستەردىڭ سۇراعىنا جاۋاپ بەرە كەلە.
«ەكىنشىدەن، مەشىتتىڭ نەمەسە شىركەۋدىڭ قىزمەتكەرى بولماسا، يسلام ءدىنىنىڭ ۋاعىزدارىن ايتاتىن باسقا ادامداردىڭ اسكەري بولىمدەگى مادەني شارالارعا قاتىسۋىنا دا قاتاڭ توقتاۋ قويدىق. بوتەن ادامدار كۇزگى جانە كوكتەمگى انت بەرۋ راسىمىنە عانا قاتىسا الادى»، - دەدى ول.
م. ساتوۆتىڭ ايتۋىنشا، سوڭعى جەتى جىلدا اسكەر قاتارىندا بۇنداي مازمۇنداعى قىلمىستار جاسالماعان ەكەن. «سونىمەن قاتار، اسكەري ينستيتۋت بولاشاق وفيتسەرلەرگە لاڭكەستىك پەن ءدىني ەكسترەميزمنىڭ الدىن الۋ شاراسىن وقىتادى. ياعني، ءدىن تەرىسىن جامىلىپ جۇرگەن تەرىس اعىمداردىڭ قانداي سالدارى بولاتىنىن الدىن الا ايتىپ وتىرامىز»، - دەدى م. ساتوۆ.
