دەنيس تەن قىسقى ۋنيۆەرسياداعا قاتىسادى
بۇل تۋرالى قازاقپارات ءتىلشىسى ۋنيۆەرسيادا ديرەكتسياسىنىڭ باسپا ءسوز قىزمەتىنە سىلتەمە جاساپ حابارلادى.
«مانەرلەپ سىرعاناۋ بويىنشا قازاقستاندىق كوماندا الداعى ستۋدەنتتىك ويىندارعا قىزۋ دايىندىقتى باستاپ كەتتى. دەنيس تەن مەن ابزال راقىمعاليەۆ سىندى ەرلەر قۇراماسى ا ق ش- تا جەكە باپكەرلەرمەن جاتتىعىپ جاتىر، ال ايەلدەر قۇراماسىنداعى ايزا يمانبەك پەن رەگينا گلازمان الماتىدا دايىندالۋدا»، - دەدى مانەرلەپ سىرعاناۋ بويىنشا قازاقستان قۇراماسىنىڭ باس باپكەرى قۇرالاي ۋزۋروۆا.
باپكەردىڭ ايتۋىنشا، وتكەن يۋنيورلار اراسىنداعى گران-پريدە ايزا يمانبەك جاقسى ناتيجە كورسەتكەن. بارلىق باپكەر ۋنيۆەرسيادا-2017 ويىندارىندا ايزا يمانبەكتىڭ ون ۇزدىك سپورتشى قاتارىنا ەنەتىنىنە سەنىمدى. ءبىراق، قازاقستان قۇراماسىنداعى نەگىزگى التىنعا ۇمىتكەر دەنيس تەن. «ءبىز الداعى ۋنيۆەرسيادا-2017 ويىندارىندا مەدالدار جەڭىپ الۋعا تىرىسامىز. التىن جۇلدەگە نەگىزگى ۇمىتكەر دەنيس تەن، ول ستۋدەنتتىك ويىندارعا قاتىسۋعا شەشىم قابىلدادى جانە قازىر جوعارى دەڭگەيدە ونەر كورسەتۋ ءۇشىن دايىندىق ۇستىندە»، - دەپ اتاپ ءوتتى ق. ۋزۋروۆا. الداعى ۋنيۆەرسيادا 2017 ويىندارىنداعى قازاقستان قۇراماسى ساپىندا مانەرلەپ سىرعاناۋ بويىنشا 10 سپورتشى باق سىنايدى.
