حالىقارالىق اۋەسقوي بوكس قاۋىمداستىعى بوكس سالاسى ماماندارىنىڭ بىلىكتىلىگىن جەتىلدىرۋدە
سەمينارعا بارشا الەمنەن جينالعان 40 تان استام تىڭداۋشى قاتىستى.
«ءبىزدىڭ قۇرلىقتان 25 قاتىسۋشىنىڭ بولعانى، ونىڭ ىشىندەگى 10 قاتىسۋشىنىڭ قازاقستاننان ەكەنى قۋانتادى. بۇل كۋرستار بوكستىڭ الداعى دامۋىندا اسا ماڭىزدى. سەبەبى سۋپەرۆايزەرلەر مەن تەحنيكالىق وكىلدەر ا ي ب ا جارىستارى كەزىندە قاعيدالار مەن رەگلامەنتتەردىڭ ساقتالۋىن قاداعالايدى»، - دەپ حابارلادى ازيا بوكس كونفەدەراتسياسىنىڭ اتقارۋشى ديرەكتورى باقداۋلەت تورەحانوۆ.
وقىتۋ جانە سەرتيفيكاتتاۋدى تاجىريبەلى ا ي ب ا نۇسقاۋشىلارى لۋيز بوزەللي (برازيليا) جانە حەلمۋت رانز (گەرمانيا) وتكىزدى.
«ازيا بوكس كونفەدەراتسياسىنىڭ پرەزيدەنتى سەرىك قوناقبايەۆ بوكس سالاسىنداعى بارلىق مامانداردىڭ بىلىكتىلىگىن كوتەرۋگە ايرىقشا كوڭىل بولەدى. ول وسىنداي سەمينارلاردى، اسىرەسە باپكەرلەر مەن تورەشىلەرگە ارنالعان كۋرستاردى كوبىرەك وتكىزۋ قاجەتتىگى تۋرالى ماسەلەنى بىرنەشە رەت كوتەردى. كەلەسى جىلى سەرتيفيكاتتاۋ سەمينارلارىنىڭ سانى ۇلعايا تۇسەدى دەپ ۇمىتتەنەمىز. ول ءۇشىن بوكس اكادەمياسى ءتۇرلى باعىتتاعى كۋرستاردى وتكىزەتىن تاماشا الاڭعا اينالارى ءسوزسىز»، - دەپ اتاپ ءوتتى ب. تورەحانوۆ.
اۋىزشا جانە جازباشا سىناقتاردىڭ ناتيجەسى بويىنشا قاتىسۋشىلارعا سايكەس سەرتيفيكاتتار بەرىلەدى.
