13:29, 31 - قازان 2016 | GMT +5
قىتايدىڭ ورتالىق تەلەارناسى قانات يسلام مەن پاتريك اللوتەيدىڭ جەكپە- جەگىن تاراتتى
استانا. قازاقپارات - قىتايدىڭ ورتالىق تەلەارناسى كەشە 30- قازان كۇنى ساعات 13:00-دە قانات يسلام مەن پاتريك اللوتەيدىڭ جەكپە- جەگىنىڭ تولىق نۇسقاسىن تاراتتى.
بۇل تۋرالى قىتاي ورتالىق تەلەارناسىنىڭ رەسمي سايتىندا جازىلعان.
وندا الماتىدا وتكەن ۇلكەن بوكس كەشى تۋرالى ايتىلىپ، قانات يسلام مەن پاتريك اللوتەي اراسىنداعى كەزدەسۋدە جەڭىسكە جەتكەن قانات يسلام سۋپەر ورتا سالماقتا (69 ك گ رەد) WBO (الەمدىك بوكس ۇيىمى) تۇجىرىمى بويىنشا قۇرلىق ارالىق چەمپيون جانە IBO (حالىقارالىق بوكس ۇيىمى) تۇجىرىمى بويىنشا حالىقارالىق چەمپيون اتاعىن العاندىعى جازىلعان.
سونىمەن بىرگە ەكى بوكسشى اراسىنداعى جەكپە- جەكتىڭ تولىق نۇسقاسى بەرىلگەن.
ەستەرىڭىزگە سالا كەتەيىك، الماتىدا وتكەن بوكس كەشىندە قازاقستاندىق 7 بىلعارى قولعاپ شەبەرى قارسىلاستارىن ايقىن باسىمدىقپەن جەڭگەن بولاتىن.
اۆتور: ريزابەك نۇسىپبەك ۇلى
