قازاقستان- قىتاي شەكاراسىندا كومپيۋتەرلىك قۇرىلعىلاردى زاڭسىز الىپ وتپەك بولعاندار ۇستالدى

استانا. قازاقپارات - وتكەن تاۋلىك ىشىندە قازاقستان - قىتاي مەملەكەتتىك شەكاراسىنىڭ بويىندا بايلانىس سالاسىندا جانە كومپيۋتەرلىك تەحنيكالاردا قولدانىلاتىن قوماقتى كولەمدەگى زاتتاردى زاڭسىز تۇردە اكەتۋگە تىرىسقان ازامات ۇستالدى،

  دەپ حابارلايدى قازاقپارات ۇ ق ك شەكارا قىزمەتىنىڭ مالىمەتتەرىنە سۇيەنە وتىرىپ.

ناقتىراق ايتقاندا، «قورعاس» باقىلاۋ- وتكىزۋ بەكەتىنىڭ شەكارا ناريادى «شايمان» دەپ اتالاتىن ارنايى كولىكتى ءمىنىپ، قىتايدان قازاقستانعا قاراي كەلە جاتقان 35 جاستاعى قازاقستان ازاماتىن ۇستادى.

شەكارالىق باقىلاۋ وتكىزۋ كەزىندە ودان زاڭسىز جۇكتەر تابىلدى - مودەمدەر (100 دانا)، زاريادتىق قۇرىلعىلار (33 دانا)، بەكىتكىشتەر (19 دانا)، لازەرلەر (16 دانا) جانە 1 جادىسى اۋقىمدى ديسك بار.

اتالعان دەرەك بويىنشا ءوزارا ارەكەتتەس ورگاندارعا حابارلاندىرىلدى.