جەكپە- جەكتەن كەيىن قانات يسلامنىڭ قولى ءىسىپ كەتكەن

  استانا. قازاقپارات  -  جەكپە- جەكتەن كەيىن قولعابىن شەكەندە   قانات يسلامنىڭ   ەكى   قولى ءىسىپ كەتكەن.  بۇل   تۋرالى بوكىسشىنىڭ اقپاراتتىق كومەكشىسى، بلوگەر بەرىك سۇلتان جازدى.  

 «شۇكىر، قانات يسلامنىڭ جەكپە- جەگى جوعارى دەڭگەيىندە ءوتتى. قانات تازا جەڭدى، مۇنى بوكستى تۇسىنەتىندەردىڭ بارلىعى بىلەدى. ءبىر ءىنشى راۋندتان باستاپ سوڭعى راۋندقا دەيىن ءبىرىنشى بولىپ بوكستاستى. ءيا، قاناتتان نوكاۋت كۇتتىك. قوبالجىدىق. ۋايىمدادىق. سىزدەر كورمەگەن، بىرنارسە ايتايىن. جەكپە- جەك بىتە سالىپ، رازديەۆالكاعا كەتتىك. ءبينتتى شەشتى. ەكى قولى ءىسىپ كەتكەن. ەكىنشى راۋندتا ەكى جۇدىرىعىن بىردەن جاراقات الدى. قارسىلاسى وتە قولايسىز، اككى بوكسشى. كوردىڭىزدەر،  نەبىر قۋىلىقتار جاسادى.  سوعان قاراماستان، قانات 12 راۋند بويى ءبىرىنشى بولىپ جۇدىرىق جۇمساپ، بۇرىشتان بۇرىشقا قۋىپ ءجۇرىپ سابادى. بۇل ەرلىك ،   قازاقتىڭ نامىسى. قازاقتىڭ قاناتىنىڭ جەڭىسىنە ءار قازاق قۋاندى » ،  دەيدى ول.

سونىمەن بىرەگە ول شەتەلدىكتەردىڭ قازاقستاندىقتاردىڭ جانكۇيەرلىگىنە ەرەكشە ريزا بولعانىن ايتادى.

« ارەنادا بوكستى 15 مىڭنان استام ادام تاماشالادى. ينە شانشار ورىن بولعان جوق. ا ق ش- تان كەلگەن پروديۋسەرلەر، بوكس ۇيىمداستىرۋدىڭ باس- قاسىندا جۇرگەن ماماندار قازاقتارعا ءدان ريزا بولدى. وتە جوعارى دەڭگەيدە ۇيىمداستىرىلعانىن ايتىپ قاتتى قىزىعىپ كەتتى. نەگىزى مۇنداي دەڭگەيدە بولادى دەپ كۇتپەگەن ەكەن. 2 اي جۇگىرگەن ەڭبەك اقتالدى. كاسىبي دەڭگەيدە (كەلگەن ادامداردىڭ بارلىعى وسىلاي   ايتتى) 2 باسپا ءسوز ماسليحاتى جانە اشىق جاتتىعۋى وتكىزدىك. سالماق ولشەۋ ءراسىمىنىڭ قانداي قىزىق بولعانىن بىلەسىزدەر. بۇيىرتسا ءالى تالاي مىقتى دۇنيەلەر جاسالادى. قازاقتىڭ باعىنا تۋعان قانات يسلام ءبىز ءۇشىن تەك بوكسشى ەمەس، ۇلتتىڭ قامىن جەيتىن جاستاردىڭ كەلەشەگىنە الاڭدايتىن جانى دا قانى دا قازاق ناعىز پاتريوت ازامات. نەگە حالىق قاناتتى جاقسى كورەدى؟ سەبەبى قانات حالقىن سۇيەدى. ءار قازاققا جانى اشيدى. ءار قىزدى قارىنداسىم، ءار ۇلدى اعام ءىنىم دەپ قارايدى. قازاقتىڭ قاناتى تالماسىن، اللا قۋات بەرسىن. كوزدەن تىلدەن ساقتاسىن ! » ، - دەپ جازادى بلوگەر.  

ريزابەك نۇسىپبەك ۇلى