قازاقستان مۇناي ءوندىرىسىن شەكتەۋگە دايىن ەمەس - ەنەرگەتيكا مينيسترلىگى
بۇل تۋرالى ق ر ەنەرگەتيكا ءمينيسترىنىڭ ورىنباسارى ماعزۇم مىرزاعاليەۆ مالىمدەدى، دەپ حابارلايدى قازاقپارات REGNUM- عا سىلتەمە جاساپ.
«ازىرگە بۇعان كەلىسۋگە دايىن ەمەسپىز، - دەدى مىرزاعاليەۆ. - ءبىز ءۇشىن وتىرىسقا قاتىسۋ، پىكىر الماسۋ، و مۇناي ەكسپورتتاۋشى ەلدەر ۇيىمى ەلدەرىنىڭ جانە مۇشە ەمەس ەلدەردىڭ بۇعان قاتىستى كوزقاراسىن ءبىلۋ ماڭىزدى بولدى».
29 - قازاندا ازەربايجان ەنەرگەتيكا مينيسترلىگىنىڭ باسشىسى ناتيك اليەۆ ب ا ق قىزمەتكەرلەرىنە مۇناي ءوندىرىسىن شەكتەۋ بويىنشا مۇناي ەكسپورتتاۋشى ەلدەر ۇيىمىنىڭ ارنايى كوميتەتىنىڭ كەلەسى وتىرىسى اعىمداعى جىلدىڭ 25-26 -قاراشاسىندا وتەتىنىن حابارلاعان بولاتىن.
28-29 -قازان كۇندەرى ۆەنادا مۇناي ءوندىرىسىن تاۋلىگىنە 32,5-33 ميلليون باررەلگە دەيىن شەكتەۋ تۋرالى كەلىسىمدى جۇزەگە اسىرۋ بويىنشا مۇناي ەكسپورتتاۋشى ەلدەر ۇيىمى ارنايى كوميتەتىنىڭ ءبىرىنشى وتىرىسى ءوتتى.
