كەلەر جىلى قىتاي مۇناي يمپورتى بويىنشا ا ق ش- تان اسىپ ءتۇسۋى مۇمكىن

استانا. قازاقپارات - رەسەي ەكونوميكالىق دامۋ مينيسترلىگىنىڭ 2017-2019 -جىلدارعا ارنالعان بولجامىنا سايكەس، قىتاي 2017 - جىلى مۇناي يمپورتىنىڭ كولەمى بويىنشا ا ق ش- تان اسىپ ءتۇسۋى مۇمكىن،

 دەپ حابارلايدى قازاقپارات رەسەي جاڭالىقتار اگەنتتىگىنە سىلتەمە جاساپ.

 قاڭتار مەن قىركۇيەك ايلارى ارالىعىندا قىتايدا شيكى مۇناي يمپورتى وتكەن جىلدىڭ سايكەس مەرزىمىمەن سالىستىرعاندا 14 پايىزعا ارتتى. ق ح ر باس كەدەندىك باسقارماسىنىڭ مالىمەتتەرى مۇنى راستاپ وتىر. وعان سايكەس، قىتاي اعىمداعى جىلدىڭ باسىنان 283,51 ميلليون توننا، ال 2015 -جىلدىڭ وسى كەزەڭىندە 248,62 ميلليون توننا شيكى مۇناي يمپورتتاعان.

 قىركۇيەك ايىندا رەسەي، انگولا مەن يراك قىتايعا مۇناي جەتكىزۋشىلەردىڭ ىشىندە ۇزدىك ۇشتىككە ەنگەنى ايتىلدى. وسىعان دەيىن ەكونوميكالىق دامۋ مينيسترلىگى قىتاي ىشكى جالپى ءونىم ءوسىمىنىڭ باسەڭدۋى قارجى جۇيەلەرى ءۇشىن قاۋىپتى ەكەندىگىن اتاپ وتكەن بولاتىن.