تاجىكستان پرەزيدەنتى تراكتور جۇرگىزدى

استانا. قازاقپارات - تاجىكستاندا ۆاحش وزەنىندەگى روگۋن سۋ ەلەكتر ستانسياسىنىڭ قۇرىلىسى رەسمي تۇردە باستالدى.

سالتاناتتى شاراعا ەل پرەزيدەنتى ەمومالي راحمون قاتىستى، ول بۋلدوزەر رولىنە وتىرىپ، وزەن ارناسىن بۇرىپ، سۋ قويماسىن جاساۋ ءۇشىن ءبىر جارىم ساعات بويى قيىرشىق تاس توكتى، دەپ حابارلادى kabar.kg.

«اتا-بابالارىمىزدىڭ يگى ءداستۇرىن جالعاي وتىرىپ، كورشىلەرىمىزدى ەشقاشان سۋسىز قالدىرمايتىنىمىزدى تولىق جاۋاپكەرشىلىكپەن مالىمدەيمىن»، - دەدى تاجىك كوشباسشىسى سالتاناتتى جيىندا.

سونىمەن بىرگە، تاجىكستان باسشىسى نىساننىڭ وزەن ساعاسى ەلدەرىندەگى پايدالاناتىن جەرلەردى سۋلاندىرۋدى دا جۇزەگە اسىراتىنىن حابارلادى. بىزگە بەلگىلى بولعانداي، وزبەكستان روگۋن گەس قۇرىلىسىنا تۇبەگەيلى قارسى، ولار سەيسميكالىق قاۋىپتى ايماقتاعى توعاننىڭ ءامۋداريا ساعاسىنداعى حالىققا قاۋىپتى ەكەنىن جانە سۋ قويماسى قۇرىلىسىنان ەگىن سۋارۋعا سۋ جەتپەي قالاتىنىن ايتۋدا. 1 -شىلدە كۇنى تاجىكستان ۇكىمەتى يتاليالىق Salini Impregilo S.p.A. كومپانياسىمەن قۇنى 3,9 ميلليارد دوللار بولاتىن شەكتەلمەلى كەلىسىمگە قول قويدى. العاشقى ەكى تۋربينانى ىسكە قوسۋ 2018 -جىلدىڭ ەكىنشى جارتىسىنا جوسپارلانعان. توعان قۇرىلىسى 1987 -جىلى باستالعان ەدى، الايدا ك س ر و ىدىراۋىمەن جوبا توقتاپ قالعان. تاجىكستان بيلىگى تاباندى تۇردە سۋ قويماسىن سالىپ بىتىرۋگە تىرىسۋدا. ەگەر جوبا جۇزەگە اسسا، الەمدەگى ەڭ بيىك (335 م) توعان بولادى جانە ونىڭ ىسكە قوسىلۋى ەلدەگى ەنەرگيانىڭ جەتىسپەۋشىلىگى ماسەلەسىن شەشە الادى.