تاعىلىمدى تاربيە - تۇركىستان مەكتەپتەرىنىڭ باستى باعىتى
ەل تاۋەلسىزدىگىنىڭ 25 جىلدىعىنا وراي مۇنداعى مەكتەپتەردە اشىق ساباقتار ۇيىمداستىرىلىپ، ەگەمەندىك العان جىلدارداعى جەتىستىكتەر دارىپتەلۋدە. اشىلعانىنا 2 جىلعا جۋىق ۋاقىت بولعان №27 -ورتا مەكتەپتە بۇگىندە 900 وقۋشى وقيدى. مۇندا بالالاردىڭ جان-جاقتى ءبىلىم الۋى ءۇشىن بارلىق جاعداي جاسالعان. بىلىكتى ۇستازدار سول يگىلىكتى ءتيىمدى پايدالانىپ، ەل مۇددەسى، تاۋەلسىزدىك تاريحى تۋراسىندا كوپ دەرەكتەر ايتۋعا، تاعىلىم تۇيدىرۋگە پەيىلدى.
90 جىلعا جۋىق تاريحى بار ۇسەنوۆ اتىنداعى ورتا مەكتەپتىڭ دە جەتىستىگى جەتىپ ارتىلادى. تۇركىستانداعى ۇلگىلى ءبىلىم وشاعى سانالاتىن نىساندا جوعارى ءبىلىمدى 78 ۇستاز ءدارىس بەرەدى. ولار 700 دەن استام وقۋشىعا جاڭا رەفورما اياسىندا ساپالى ءبىلىم، سانالى تاربيە بەرۋدە.
«ماقساتىمىز - ۇشتىلدىلىك جانە ينكليۋزيۆتى ءبىلىم بەرۋ اياسىندا مىقتى كادر دايارلاپ شىعارۋ»، - دەيدى ولار.
№2 -حامزا اتىنداعى ورتا مەكتەپتىڭ ۇستازدارى دا قازاقستاننىڭ جاسامپاز جەتىستىكتەرىنىڭ بارلىعىن ەلباسىمەن بايلانىستىرادى. مەملەكەت باسشىسىنىڭ اسىرەسە، بەيبىتشىلىك پەن كەلىسىمدى نىعايتۋعا قوسقان ۇلەسى زور ەكەنىن ايتادى.
وسىلايشا، بۇل كۇنى تۇركىستانداعى ءبىراز ءبىلىم ۇيالارىندا «تاۋەلسىزدىك جانە ەلباسى» تاقىرىپتارىندا اشىق ەسىك كۇنى ءوتىپ، ماڭگىلىك ەلدىڭ ۇرپاقتارى تاريحتان سىر شەرتتى.
