07:32, 31 - قازان 2016 | GMT +5
ون ەكى جاسار شاحماتشى قازاق قىزى كەزەكتى رەت الەم چەمپيونى بولدى
استانا. قازاقپارات - ءبيبىسارا اساۋبايەۆا 12 جاسقا دەيىنگى قىزدار اراسىنداعى شاحمات بويىنشا كەزەكتى رەت الەم چەمپيونى بولدى.
جاس سپورتشىنى فەيسبۋكتە ينۆەستيتسيالار جانە دامۋ مينيسترلىگى يندۋستريا جانە تۋريزم دەپارتامەنتىنىڭ ديرەكتورى مارات يعالي قۇتتىقتادى.
«اساۋبايەۆا ءبيبىسارا (رەسەي- قازاقستان) 12 جاسقا دەيىن قىزداردىڭ اراسىندا شاxمات بويىنشا كەزەكتى چەمپيون اتاعىنا يە بولدى! قۇتتى بولسىن!»، - دەپ جازدى ول.
ەسكە سالايىق، ءبيبىسارا اساۋبايەۆا قازىر جارىستارعا رەسەي فەدەراتسياسىنىڭ اتىنان قاتىسادى.
بۇعان دەيىن قازاقستاننىڭ شاحمات فەدەراتسياسى جاس دارىن يەسىنىڭ رەسەي شاحمات فەدەراتسياسىنا اۋىسۋىنىڭ سەبەبىن ايتقان بولاتىن. انىقتالعانداي، ءبيبىسارا اساۋبايەۆا مەن ونىڭ مەنەدجەرى ءارى اناسى ليانا تاڭجارىقوۆانىڭ مۇنداي شەشىم قابىلداۋىنا قارجىلىق ماسەلەلەر ىقپال ەتكەن.
