عالىمدار شەرقالا تاۋىنىڭ شىندىعىن اشتى

استانا. قازاقپارات - «نانومير» رەسەيلىك زەرتحانانىڭ قىزمەتكەرلەرى كومپيۋتەر ارقىلى مودەلدەۋدە شەركالا تاۋىنىڭ جاساندى ەكەنىن انىقتادى.

ۋفولوگتار ماڭعىشلاقتىڭ قاق ورتاسىندا ورنالاسقان شەركالا تاۋىن بوتەن عالامشارلىقتاردىڭ كەمەسى دەپ سانايدى. ونداعى كوپتەگەن ۇڭگىرلەر ۇشاتىن تارەلكەنىڭ باستى كابيناسىنا اپاراتىن كورىنەدى، دەپ جازادى «ەكسپرەسس-ك» باسىلىمى.

باياعى زاماندا ماڭعىشلاق جەرىنە بوتەن عالامشارلىقتاردىڭ كەمەسى كەلىپ قونادى. كەمەنى تىعۋ ءۇشىن ولار ونى تەتيس تەڭىزىنىڭ تۇبىنە تاستايدى. ءبىراق قانداي دا ءبىر سەبەپتەرگە بايلانىستى بوتەن عالامشارلىقتاردىڭ اسكەريلەرى ءوز كەمەسىنە ورالماعان. وسىلايشا مىڭداعان جىلدار تەڭىز تۇبىندە جاتقان كەمەنى قۇم مەن بالشىق جاۋىپ، قاتتى تابيعي دەنەگە ۇقساس ەتىپ تاستايدى. كەيىننەن تەتيس تەڭىزى تارتىلىپ، ول تاۋ تۇرىندە جەردىڭ بەتىنە شىعىپ قالادى.

تۇرىكمەن تىلىنەن اۋدارعاندا شەركالا «ارىستان تاۋ» دەلىنەدى. مۇنداعى ۇڭگىرلەرگە جەرگىلىكتى حالىق بارمايدى، وعان تىيىم سالىنعان. ويتكەنى ول ارادا ءارۋاقتار بار دەپ سانالعان. ۋفالوگيا بويىنشا تىركەلگەن قۇجاتتاردىڭ بىرىندە بۇل ارادا تابيعاتتىڭ تىلسىم قۇبىلىسى بەلەڭ العانى ايتىلادى. بۇل - 1970-جىلدار.

نوۆوسىبىردەن كەلگەن ءبىر تۋريست شەركالا تاۋىنىڭ شىڭىنا اپاراتىن ۇڭگىردى ىزدەمەك بولادى. جەر استى جولى ونى تاۋدىڭ شىڭىراۋىنا اپارادى. ءبىر ۋاقىتتا ول الدىنان جارقىراعان ساۋلەنى كورەدى. ول وعان جاقىنداماق بولعاندا قارا تاسقا تىرەلەدى. ونى سيپاپ كورسە، مەتالل سەكىلدى. ءبىر ۋاقىتتا الگى قارا تاس شيقىلداپ-سىقىرلاپ قويا بەرەدى. ودان سوڭ ۋىلدەگەن داۋىس ەستىلىپ، اياعىنان استى قوزعالادى. سول كەزدە قورقىپ كەتكەن تۋريست كەرى قاراي تۇرا قاشادى. ەرتەڭىندە ول قاسىنا ادامدار ەرتىپ، ول اراعا قايتىپ بارادى. ءبىراق كەشە وتكەن جولدى تابا الماي، بارلىعى كەرى كەيىن قايتادى.