قازاقتار امەريكالىقتارعا كوكپار ويىنىن ۇيرەتپەكشى
ەندىگى باستى ماقسات - «ەكسپو-2017» حالىقارالىق كورمە اياسىندا وتەتىن كوكپاردان الەم چەمپيوناتىن جوعارى دەڭگەيدە ۇيىمداستىرۋعا قامدانۋ. ول ءۇشىن كوكپار ءورىسىن كەڭەيتۋ قاجەت. ەۋروپا ەلدەرى مەن امەريكا سپورتشىلارىن تارتۋ كەرەك. ءبىر قىزىعى، امەريكالىقتار كوكپار تارتۋدى بىرەر جىل بۇرىن وزدەرى باستاپ كەتكەن.
«ينتەرنەتتىڭ قالىڭ قويناۋىندا كوكپاردى امەريكاشىلاپ تارتىپ جاتقان بەينە-كورىنىستەر بار بولىپ شىقتى. ولاردا دا قازاندىق جوق. سەركەنى شەڭبەرگە تاستايدى. الاڭ اۋماعى دا شامالاس كورىندى. تاقىمعا باسىپ تارپادى دەمەسەڭىز، كادىمگى ءبىزدىڭ كوكپار. ءتىپتى، وسى كۇنى ارگەنتينالىقتار دا كوكپارعا بەلسەنە دەن قويدى دەگەن دەرەك بار. ءبىزدىڭ كوكپار ماماندارىنا وسى ەلدەردىڭ كوكپارشىلارىن ىزدەستىرىپ تاۋىپ، الداعى ۋاقىتتا سول مەملەكەتتەرگە كوكپارشىلار دايىنداۋ مەن كوكپار اتتارىن باپتاۋدىڭ قىر-سىرىن ۇيرەتۋگە بارۋ قاجەتتىگى تاپسىرىلدى» - دەيدى سەمينار-كەڭەستى ۇيىمداستىرۋشىلار.
