قازاقستاندىق ۆەلوشاباندوز قىتايدىڭ «حاينان تۋرى» ۆەلو كوپ كۇندىگىندە جەڭىسكە جەتتى

استانا. قازاقپارات - قىتايدىڭ وڭتۇستىگىندە ءداستۇرلى ۆەلو كوپ كۇندىگى اياقتالدى، دەپ حابارلايدى قازاقپارات Sports.kz-قا سىلتەمە جاساپ.

ۆەلوشاباندوزدار «حاينان تۋرىنىڭ» توعىزىنشى كەزەڭىنىڭ سوڭعى شاقىرىمدارىن باعىندىردى. وندا «Team Giant-Alpecin» وكىلى - نەمىس سپورتشىسى ماكس ۋولشايت جەڭىسكە جەتتى.

سوڭعى كەزەڭدە «استانا» ۆەلوسپورتشىسى الەكسەي لۋتسەنكو مارە سىزىعىن نەگىزگى پەلوتوندا كەسىپ ءوتىپ، سارى جەيدەنى وزىندە ساقتاپ قالدى جانە جارىستىڭ باس كلاسسيفيكاتسياسىنىڭ جەڭىمپازى اتاندى. ونىڭ ۋاقىتى 35:16:41 قۇرادى.