17:53, 30 - قازان 2016 | GMT +5
گولوۆكيننەن ابدەن سوققى العان برۋككە تاعى ەكى اي ەمدەلۋ قاجەت بولدى
استانا. قازاقپارات - حالىقارالىق بوكس فەدەراتسياسى (IBF) بريتانيالىق بوكسشى كەلل برۋككە تولىق قالپىنا كەلۋ ءۇشىن تاعى 60 كۇن ۋاقىت بەردى، دەپ حابارلايدى قازاقپارات Sports.kz. ايتىنا سىلتەمە جاساپ.
«اۋەلدە برۋك 26- جەلتوقساندا كەزدەسۋ وتكىزۋى قاجەت بولاتىن. الايدا، ول قايتادان قالپىنا كەلىپ الۋى ءۇشىن بەرىلەتىن ۋاقىتتى سوزۋدى سۇرادى. وسىعان بايلانىستى وعان قوسىمشا تاعى 60 كۇن ۋاقىت بەرىلدى. ودان سوڭ سپورتشى ەررول سپەنستىڭ كومانداسىمەن كەلىسسوزدەردى باستايدى»، - دەيدى IBF باسشىسى ليندسي تاكەر.
ايتا كەتەيىك، كەلل برۋك قازاقستاندىق بوكسشى گەننادي گولوۆكينمەن كەزدەسۋى بارىسىندا كوزىنىڭ ويىعىن قاتتى جاراقاتتاپ الدى. بۇدان سوڭ وعان حيرۋرگتىڭ كومەگىنە جۇگىنۋ قاجەت بولدى.
