قىرعىزستاننىڭ ۇلتتىق كىتاپحاناسىندا قازاقستاندىق كىتاپتار ورتالىعى اشىلدى
ورتالىققا قازاقستان پرەزيدەنتى نۇرسۇلتان نازاربايەۆتىڭ، قازاقستاندىق جازۋشىلار ءىلياس ەسەنبەرلين، باقىت قايىربەكوۆ، سۇلتان ورازالينوۆ، ماحمۇد قاسىمبەكوۆ، ۆالەري ميحايلوۆ جانە تاعى باسقالاردىڭ كىتاپتارى قويىلدى.
31 تومدىق قازاقشا-ورىسشا جانە ورىسشا-قازاقشا تەرمينولوگيالىق سوزدىك قىزىعۋشىلىق تۋدىرادى. تەرمينولوگيالىق سوزدىك عىلىم مەن تەحنيكانىڭ، ءوندىرىس پەن مادەنيەتتىڭ بارلىق سالاسىن قامتىعان. ت م د ەلدەرىنىڭ ىشىندە مۇنداي باسىلىم قازاقستاندا عانا دايىندالعان ەكەن.
سالتاناتتى شارادا قىرعىزستاننىڭ ۇلتتىق كىتاپحاناسى مەن قازاقستاننىڭ ۇلتتىق اكادەميالىق كىتاپحاناسى اراسىندا سەرىكتەستىك جانە ىنتىماقتاستىق تۋرالى مەموراندۋمعا قول قويىلدى.
«مەموراندۋمعا سايكەس جاقىن ارادا قازاقستاننىڭ ۇلتتىق اكادەميالىق كىتاپحاناسىندا قىرعىز ادەبيەتى مەن مادەنيەتى ورتالىعىن اشۋ جوسپارلانعان»، - دەپ اتاپ ءوتتى قىرعىزستاننىڭ ۇلتتىق كىتاپحاناسىنىڭ ديرەكتورى جۇلدىز باكاشوۆا.
