قىتاي مەملەكەتتىك كەڭەسىنىڭ پرەمەرى قازاقستانعا رەسمي ساپارمەن كەلەدى

استانا. قازاقپارات - قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي كىشياڭ قىرعىزستان، قازاقستان، لاتۆيا جانە رەسەيگە اتالعان ەل ۇكىمەتتەرى باسشىلارىنىڭ شاقىرتۋى بويىنشا رەسمي ساپارمەن بارۋدى جوسپارلايدى.

ساپار قاراشا ايىنىڭ 2-9 ارالىعىندا وتەدى، دەپ حابارلايدى قازاقپارات قىتاي ۇكىمەتىنىڭ ۆەب- سايتىنا سىلتەمە جاساپ.

قىتاي پرەمەرى ءوزىنىڭ ساپارى اياسىندا بىشكەكتە وتەتىن شاڭحاي ىنتىماقتاستىق ۇيىمى ۇكىمەت باسشىلارى كەڭەسىنىڭ 15- وتىرىسىنا، ريگادا وتەتىن ورتالىق جانە شىعىس ەۋروپا جانە قىتاي 5- سامميتىنە قاتىسۋدى جوسپارلايدى. بۇدان بولەك، استانا مەن سانكت-پەتەربوردا پرەمەر-مينيسترلەردىڭ كەزەكتى كەزدەسۋى وتەدى دەپ كۇتىلۋدە. ال 31- قازاندا قىتاي س ءى م ب ا ق ءۇشىن بريفينگ وتكىزىپ، وندا قىتايلىق جانە شەتەلدىك جۋرناليستەر تاراپىنان قويىلاتىن ساۋالدارعا جاۋاپ بەرىلەدى.