استانادا پاتەرلەرىن زاڭسىز جالعا بەرۋشىلەرگە قارسى رەيد باستالدى

استانا. قازاقپارات - استانادا پاتەرلەردى زاڭسىز جالعا بەرۋ فاكتىلەرىن انىقتاۋ بويىنشا رەيد جۇرۋدە.

قازاقستاندا ادامداردىڭ 95 پايىزى ءوز باسپانالارىن زاڭسىز جالعا بەرەدى. سالدارىنان ەل قازىناسى 1 ميلليون دوللارعا جاپا شەگۋدە. ۋچاسكەلىك ينسپەكتورلار مەن پوليتسەيلەر ءۇي-ءۇيدى ارالاۋعا كىرىستى، دەپ حابارلايدى قازاقپارات «مير» تەلەارناسىنا سىلتەمە جاساپ.

«استانادا پاتەرلەردىڭ تەك 4 پايىزى رەسمي تۇردە جالعا بەرىلەدى. ءبىراق ساراپشىلاردىڭ پىكىرىنشە، بۇل سان الدەقايدا كوپ جانە ەلوردا بيۋدجەتى جىلىنا ءبىر ميلليون دوللاردان قاعىلىپ وتىر. ال جالعا الۋشىلاردى ءۇي يەسىنىڭ كەلىسىمشارتتى جاساماۋى جانە تولەم چەگىن بەرمەۋى اسا الاڭداتپايدى»، - دەپ حابارلايدى تەلەارنا.

وتكىزىلگەن ءىس-شارالاردىڭ ناتيجەسىندە جىل باسىنان بەرى 300 پاتەر يەسى جەكە كاسىپكەر رەتىندە ەسەپكە تۇردى. وسىنىڭ ارقاسىندا مەملەكەتتىك قازىناعا 20 ميلليون 800 مىڭ تەڭگە ءتۇستى»، - دەپ اتاپ ءوتتى ۋچاسكەلىك ينسپەكتور حالەل تويشىبايەۆ.

مەملەكەتتىك كىرىستەر دەپارتامەنتى جىل سوڭىنا دەيىن «كولەڭكەدەن» 3 مىڭنان استام باسپانانى شىعارۋعا نيەتتى. اۋەلدە سالىق تولەۋشىگە ونىڭ جۇمىس ورنىنا ءتيىستى حاتتار جىبەرىلەدى. ەگەر سالىق تولەۋدەن باس تارتۋ ودان ءارى دە جالعاسسا، حاتتاما تولتىرۋ ءۇشىن ۇيىنە باراتىن بولادى.

جارتى جىلدان كەيىن جەكەمەنشىك كاسىپكەرلەرگە قوسىمشا تابىس تابۋ مۇمكىندىگى تۋادى. جالعا بەرىلەتىن باسپانالار ءىرى حالىقارالىق كورمەسىنە كەلەتىن تۋريستەر مەن قوناقتار ءۇشىن قاجەت بولادى. بيلىك ورگاندارى ءۇي-جايلارىن جالعا بەرگىسى كەلەتىن ازاماتتاردى ارنايى اككرەديتاتسيادان وتكىزۋدى جوسپارلاۋدا.

تەلەارنانىڭ حابارلاۋنىشا، اعىمداعى جىلى ماسكەۋدە باسپانانى جالعا بەرۋشىلەر ءۇشىن پاتەنت الۋ ەكى ەسەگە دەرلىك ارزانداعان. سولايشا، رەسەي استاناسىنىڭ قازىناسى پاتەنتتەردى ساتۋ مەن سالىقتاردان تۇسكەن قارجى ەسەبىنەن 1 ميلليارد رۋبلگە تولىققان.