الماتىدا ءۇندى فيلمى تۇسىرىلۋدە - فوتو، كەسكىن
قازاقپارات ءتىلشىسى ءۇندى مەلودراماسىنىڭ ءتۇسىرىلىم الاڭىندا بولىپ قايتتى.
«Khushi Motion Pictures» Bollywood كومپانيالار توبىنىڭ «Love you family» جوباسىنىڭ ءتۇسىرىلىمى «قازاق فيلم» ا ق- نىڭ قاتىسۋىمەن جۇزەگە اسۋدا.
«قازتۋريزم» وكىلى مارينا كۋرتايدىڭ سوزىنە قاراعاندا، ءۇندىستاندىق قوناقتاردى قازاقستاننىڭ تاۋلارى تامساندىرعان. فيلم رەسەي نەمەسە گەرمانيادا ءتۇسىرىلۋى مۇمكىن ەدى.
«كارتينانىڭ پروديۋسەرى ءبىزدىڭ تاۋلاردى كاشمير تاۋلارىمەن تەڭەستىردى. ول كەي ەپيزودتاردى كاشمير تاۋلارىندا تۇسىرمەك بولعان. ءبىراق قازىر بارلىعىن الماتىدا ءتۇسىرۋدى شەشتى. مۇنداي جوبالار حالىقارالىق ارەنادا ەلىمىز ءۇشىن جاقسى جارناما بولادى دەپ ويلايمىن»، - دەپ اتاپ ءوتتى ول.
فيلمنىڭ جارتىسى ءۇندىستان مەن تايلاندتا ءتۇسىرىلىپ قويعان، ونىڭ سوڭعى ءبولىمى الماتىدا جالعاسادى. ەلىمىزدەگى ەپيزودقا كارتينادا 30 مينۋت بولىنگەن. ءتۇسىرىلىم رەسپۋبليكا الاڭىندا، شىمبۇلاق پەن كوكتوبەدە وتەتىن بولادى.
كينوكارتيناعا بەلگىلى ءۇندىستاندىق اكتەرلار پارداساني اكشا سۋنيل مەن دجوشي مانوي ناۆانەت تۇسۋدە.
