الماتى اكىمى باۋىرجان بايبەك سەنبىلىكتە قىزعالداق اعاشتارىن ەكتى - فوتو
شاراعا بەلگىلى سپورتشىلار، قوعام قايراتكەرلەرى، ەسترادا جۇلدىزدارى، جاستار بىرلەستىكتەرىنىڭ وكىلدەرى، مەملەكەتتىك قىزمەتكەرلەر، دەنساۋلىق ساقتاۋ قىزمەتىنىڭ وكىلدەرى، پ ي ك- تەر، مەكتەپ وقۋشىلارى، كوللەدجدەر مەن ج و و ستۋدەنتتەرى قاتىستى.
جالپى قالالىق سەنبىلىككە 250 مىڭنان استام ادام شىقتى.
«بۇگىن سەنبىلىك اياسىندا ق ر تۇڭعىش پرەزيدەنتىنىڭ ساياباعىندا 50 ءتۇپ اعاش وتىرعىزىلدى. سونىڭ ىشىندە وڭتۇستىك امەريكادا وسەتىن 5 «قىزعالداق اعاشى» بار. اعاشتار شامامەن 5 جىلدان كەيىن گۇلدەيدى جانە ولار قىزعالداقتارعا ۇقساس بولىپ كەلەدى»، - دەدى «گرين لاند» ج ش س باسشىسى گۇلزادا قالدىبايەۆا.
سەنبىلىكتە 50 مىڭ قىزعالداق: 30 مىڭى ق ر تۇڭعىش پرەزيدەنتىنىڭ ساياباعىندا، قالعانى ورتالىق مادەنيەت جانە دەمالىس ساياباعىندا ەگىلدى. گۇلدەردى ەگۋ شاراسىنا الماتى اكىمى باۋىرجان بايبەك تە قاتىستى.
سونىمەن قاتار قورشاۋلاردى، تۋرنيكەتتەردى، ورىندىقتار مەن قوقىس جاشىكتەرىن سىرلاۋ جۇمىستارى جۇرگىزىلدى. قالا بويىنشا 1010 كوشەت وتىرعىزۋ كوزدەلگەن. قوقىستى شىعارۋ ءۇشىن 600 بىرلىك ارنايى تەحنيكا تارتىلدى.
