شىمكەنتتە اۆتوبۋس جۇرگىزۋشىسى پوليتسەيدى قاعىپ كەتە جازدادى - فوتو

شىمكەنت. قازاقپارات - شىمكەنت پوليتسەيلەرى جۇرگىزۋشىلەردى مامانداندىرىلعان كولىكتەردى وتكىزۋگە ۇيرەتۋدە، دەپ حابارلادى قازاقپارات.

شىمكەنتتىڭ جەرگىلىكتى پوليتسياسىنىڭ قىزمەتكەرلەرى ەرەكشە رەيد ۇيىمداستىرىپ، جۇرگىزۋشىلەردىڭ مامانداندىرىلعان كولىكتەردى وتكىزەتىنىن، نە وتكىزبەيتىنىن ءىس جۇزىندە تەكسەرىپ كوردى. تاجىريبە ءۇشىن «جەدەل جاردەم» كولىگى پايدالانىلدى. ءبىراق فەلدشەردىڭ ورنىندا پوليتسيا قىزمەتكەرى وتىردى. ارنايى دابىلقاققىشى بار اۆتوموبيل شىمكەنتتىڭ ورتالىق كوشەلەرىمەن ءجۇرىپ ءوتتى. جول بەرمەگەن جۇرگىزۋشىلەردىڭ ەرەجەنى بۇزۋ فاكتىلەرى سول مەزەتتە كامەراعا جازىلىپ وتىردى.

 

 ەرەجە بۇزعاندارعا ايىپپۇل سالىندى. «جارتى ساعاتتىڭ ىشىندە مامانداندىرىلعان كولىككە جول بەرمەگەن 12 جۇرگىزۋشىگە قاتىستى اكىمشىلىك حاتتاما تولتىردىق»، - دەدى قالالىق قالالىق پوليتسيا قىزمەتى جول- پاترۋلدىك پوليتسياسى پولك شتابىنىڭ باسشىسى شەرزود ەشماتوۆ.

رەيد كەزىندە جۇرگىزۋشىلەرگە كەڭەستەر بەرۋگە دە تۋرا كەلگەن. پوليتسەيلەر داۋىس زورايتقىشتاردىڭ كومەگىمەن جۇرگىزۋشىلەرگە ارنايى كولىكتى وتكىزۋ ءۇشىن وڭعا، نە سولعا بۇرىلعانى دۇرىس بولاتىنىن ايتىپ وتىرعان.

سونداي- اق اۆتوبۋس جۇرگىزۋشىسىنىڭ قاتىسۋىمەن تاعى ءبىر وقيعا تىركەلگەن. ول ەرەجەنى بۇزعان كولىكتى توقتاتىپ جاتقان پوليتسيا قىزمەتكەرىن «ءىلىپ» كەتكەن. ارنايى دابىلقاققىشى بار كولىكتەردى وتكىزبەگەن جۇرگىزۋشىلەر 7 ا ە ك كولەمىندە ايىپپۇل تولەيتىن بولدى.