بوب ديلان نوبەل سىيلىعىن قابىلدايتىن بولدى
سىيلىقتى ۇيىمداستىرۋ كوميتەتىنىڭ سايتىندا ديلاننىڭ: «سىيلىقتى قابىل الامىن با؟ ارينە»، - دەپ جاۋاپ بەرگەن سوزدەرى كەلتىرىلگەن.
جەلتوقسان ايىندا وتەتىن ماراپاتتاۋ راسىمىندە ديلان توبە كورسەتەدى مە، جوق پا - بەلگىسىز.
مۋزىكانت قازان ايىنىڭ ورتاسىندا ادەبيەت بويىنشا نوبەل سىيلىعىنىڭ لاۋرەاتى اتاندى. وعان سىيلىقتىڭ تاعايىندالعانى تۋرالى جاريالانعاننان كەيىن ديلان كوپ ۇزاماي لاس-ۆەگاستە كونسەرت بەردى. ءبىراق ونىڭ بارىسىندا ادەبيەت بويىنشا سىيلىق تۋرالى ەشتەڭە ايتپاعان.
بۇعان دەيىن شۆەتسيا اكادەمياسى بوب ديلانمەن بايلانىسقا شىعۋ ارەكەتتەرىن دوعارعانىن ايتقان بولاتىن. اكادەميكتەر وعان حابارلاسا الماعان.
بوب ديلان ءاننىڭ ماتىندەرى ءۇشىن ادەبيەت بويىنشا سىيلىققا يە بولعان نوبەل سىيلىعىنىڭ العاشقى لاۋرەاتى.
2016 -جىلى سىياقى كولەمى سەگىز ميلليون شۆەتسيالىق كروندى قۇرادى (923 مىڭ ا ق ش دوللارى).
