الماتىدا جازالارىن وتەپ جاتقان جاستار كوڭىلدى جانە تاپقىرلار ويىندارىنا قاتىستى

استانا. قازاقپارات - رەسپۋبليكاداعى جالعىز لا-155/6 الماتى بالالار كولونياسىندا م. تىنىشبايەۆ اتىنداعى الماتى كولىك كوللەدجى، «اياجان» ءبىلىم باسقارماسى مەديتسينالىق كوللەدجى سونداي-اق، باس بوستاندىقتارىنان ايىرىلعان كامەلەتكە تولماعان جاستار كوماندالارى اراسىندا «وتان - وتباسىنان باستالادى!» تاقىرىبىندا كوڭىلدى جانە تاپقىرلار كلۋبى ويىندارى ءوتتى، دەپ حابارلايدى قازاقپارات قىلمىستىق- اتقارۋ جۇيەسىنىڭ الماتى وبلىسى بويىنشا دەپارتامەنتىنە سىلتەمە جاساپ.

ويىندار ءۇش كەزەڭدى قامتىدى: «سالەمدەسۋ»، «بياتلون»، «پوپپۋري» جانە «ءۇي تاپسىرماسى». قازىلار القاسىنىڭ قۇرامىنا الماتى قالالىق ءبىلىم جانە جاستار ساياساتى باسقارمالارىنىڭ، جەتىسۋ اۋدانى اكىمدىگىنىڭ جانە «جارتاس قازاقستان» قوعامدىق بىرلەستىگىنىڭ وكىلدەرى ەندى.

«م. تىنىشبايەۆ اتىنداعى الماتى كولىك كوللەدجىنىڭ ستۋدەنتتەرى - ءبىرىنشى، جازالارىن وتەپ جاتقان جاستاردان قۇرالعان كوماندا ەكىنشى ورىندى يەلەندى. جەڭىمپازدار مەن جۇلدەگەرلەرگە كىتاپتار مەن كارتينالار تابىس ەتىلدى. سونداي-اق كامەلەتكە تولماعان ءىستى بولعان جاستاردىڭ جەكە شوتتارىنا 5 مىڭ تەڭگەدەن اقشا اۋدارىلدى»، - دەپ اتاپ ءوتتى لا-155/6 مەكەمەسىنىڭ باسشىسى ەرتاي شاكەنوۆ.