جولجاقسىنوۆتىڭ «قۇنانباي» فيلمى ۋفادا وتكەن فەستيۆالدىڭ جۇلدەسىن يەلەندى - كەسكىن
ءۇش كۇنگە سوزىلعان بايقاۋعا ءتۇرلى ەلدىڭ 24 فيلمى قاتىستىرىلدى.
«باشقۇرستان» مەملەكەتتىك كونسەرت زالىندا فەستيۆال جەڭىمپازدارى ماراپاتتالدى. باس جۇلدە - گران-پريدى بانگلادەشتەن كەلگەن «جالال تاريحى» اتتى ءابۋ شاحەد ەموننىڭ تولىق مەتراجدى فيلمى يەلەندى.
قازاقستان فيلمى دوسحان جولجاقسىنوۆتىڭ «قۇنانبايى» ءامىر ءابدرازاقوۆ اتىنداعى «ۇلتتىق رۋح ءۇشىن» سىيلىعىنا يە بولدى.
سونىمەن قاتار، ۇزدىك وپەراتورلىق جۇمىس، ۇزدىك سەناري، ۇزدىك رەجيسسەرلىك جۇمىس اتالىمدارى بويىنشا ءبىرقاتار فيلمدەر ماراپاتتالدى.
سالتاناتتى جابىلۋ كەشتى رەسەي ءارتىسى ارتەم ميحالكوۆ پەن باشقۇرت جاستار تەاترىنىڭ اكتريساسى گۇلشات گايسينا جۇرگىزدى.
ەسكە سالا كەتسەك، «قۇنانباي» تاريحي كوركەم فيلمى 2015 -جىلدىڭ 15 -مامىرىندا تۇساۋكەسەرى وتكىزىلدى، ال فيلم جىل سوڭىندا جالپىۇلتتىق پروكاتقا شىقتى. ول ۇلى اقىن ابايدىڭ اكەسى قۇنانباي وسكەنباي ۇلىنا ارنالعان.
فيلمدى قازاقستاندىق كينورەجيسسەر، قازاقستاننىڭ حالىق ءارتىسى، ق ر مەملەكەتتىك سىيلىعىنىڭ لاۋرەاتى دوسحان جولجاقسىنوۆ تۇسىرگەن.
كوركەم فيلم سەناريىن دوسحان جولجاقسىنوۆ پەن جازۋشى تالاسبەك اسەمقۇلوۆ جازدى.
فيلم قۇنانبايدىڭ تۋعان جەرىندە، شىعىس قازاقستان وبلىسى اباي اۋدانى قاراۋىل كەنتىندە جانە الماتى وبلىسىندا تۇسىرىلگەن.
