باتىسقازاقستاندىق «نازەركە» انسامبلى گرۋزيادا وتكەن فەستيۆالدا تابىستى ونەر كورسەتتى - فوتو
يسپانيادا باستاۋ الىپ، يتاليا، فرانسيادا جالعاسقان اتالمىش بالالار شىعارماشىلىعى فەستيۆالى گرۋزيا ەلىندە العاش رەت ۇيىمداستىرىلىپ، وعان الەمنىڭ رەسەي، ۋكراينا، يزرايل، ءۇندىستان، ارمەنيا، قازاقستان، ازەربايجان سىندى ەلدەرىنەن 400-دەي ورىنداۋشى مەن ۇجىمدار قاتىستى.
اينۇر مۇقانعاليەۆا جەتەكشىلىك ەتەتىن «نازەركە» ءانسامبلى «حورەوگرافيا» اتالىمى بويىنشا ب ا ق سىنادى. سونىڭ ىشىندە سولودان ايدىن ناۋرىز ءۇشىنشى ورىندىيەلەنسە، انار زەينۋللينا ەكىنشى ساتىعا كوتەرىلدى. ۇجىمدار بويىنشا «نازەركە» انسامبلى ءبىرىنشى ورىندى ەنشىلەدى. بارلىق تۋردا دا انسامبل قازاقتىڭ حالىق بيلەرىن ورىنداپ بەردى.
فەستيۆال قورىتىندىسىنا سايكەس «نازەركە» انسامبلى يتاليادا وتەتىن تاعى ءبىر حالىقارالىق فەستيۆالعا جولداما الدى.
وبلىستىق حالىق شىعارماشىلىعى ورتالىعىنىڭ ديرەكتورى مەدحات قامبەتوۆتىڭ ايتۋىنشا، وقۋشىلاردىڭ «نازەركە» ءبي انسامبلى - وسىعان دەيىن دە كوپتەگەن بايقاۋلارعا قاتىسىپ، جۇلدە الىپ جۇرگەن ونەر ۇجىمى.
