كاسپي بايلىعىن زاڭسىز اۋلاعاندار ۇستالدى

استانا. قازاقپارات - كاسپي تەڭىزىندەگى براكونەرلىك ءىس- قيمىلعا قاتىستى بىرىككەن جەدەل- ساۋىقتىرۋ ءىس- شاراسىنىڭ Ⅱ كەزەڭى جالعاسۋدا.

وتكەن تاۋلىك ىشىندە قازاقستاندىق تەڭىز شەكاراشىلارى بىرنەشە براكونەرلەردى ۇستاپ، ولاردان بىرنەشە باعالى تۇقىمدى بالىقتاردى، سونداي- اق بالىقشى قۇرالدارىن تاركىلەدى، دەپ حابارلايدى قازاقپارات ۇ ق ك شەكارا قىزمەتىنىڭ مالىمەتتەرىنە سىلتەمە جاساپ.

ناقتىراق ايتقاندا، شەكارا ساقشىلارى تەڭىز بەتىندە زاڭسىز تۇردە بالىق اۋلاپ جۇرگەن قازاقستاندىق 7 ازاماتتى ۇستادى. ناتيجەسىندە ولاردان 5 دانا شاعىن ءجۇزۋ قۇرالدارى - 2 «بۋدارى»، 1 «بايدا»، 1 «كازانكا» دەپ اتالاتىن موتورلى قايىق تۇرلەرى مەن 1 رەزينا قايىق تاركىلەندى.

سونداي- اق، 36 دانا بەكىرە بالىعى مەن ۇزىندىعى 5000 مەترگە سوزىلعان بالىق اۋلايتىن تور تاركىلەندى.

جوعارىدا اتالعان جەدەل- ساۋىقتىرۋ ءىس- شاراسىنىڭ Ⅱ كەزەڭى جالعاسۋدا.