كەلەسى جىلى استانادا حالىقارالىق دەڭگەيدەگى جاپپاي كوكپار وتەدى

 استانا. قازاقپارات - بۇل تۋرالى كەشە ەلوردادا وتكەن ق ر ۇلتتىق سپورت تۇرلەرى قاۋىمداستىعىنىڭ «كوكپار» ويىنىڭ الەمدىك دەڭگەيدە دامىتۋ ماسەلەلەرىنە ارنالعان حالىقارالىق سەمينار- كەڭەسى بارىسىندا قاۋىمداستىق پرەزيدەنتى بەكبولات تىلەۋحان مالىمدەدى.

سەمينار بارىسىندا الداعى جىلى ەلىمىزدە وتەتىن ەكسپو-2017 حالىقارالىق مامانداندىرىلعان كورمە بارىسىندا كوكپاردان الەم چەمپيوناتى وتەتىنى بەلگىلى بولدى. سونىمەن قاتار وسى چەمپيوناتقا وراي قولدانىستاعى كوكپار ويىنىنىڭ ەرەجەسىنە ءبىرقاتار وزگەرتۋلەر ەنگىزىلدى.

«الداعى جىلى ەكسپو-2017» كورمەسى بارىسىندا 3-قىركۇيەك كۇنى ءداستۇرلى «التىن تۇلپار» الامان بايگەسى وتەتىن بولادى. وسى بايگە اياقتالعان سوڭ حالىقارالىق دەڭگەيدەگى جاپپاي كوكپار وتكىزۋدى ۇيىمداستىرماقشىمىز. بۇل كوكپارعا وسى جىلى 25-28 تامىز كۇندەرى وتەتىن الەم چەمپيوناتىنا كەلگەن مەملەكەتتەردىڭ دە كوكپارشىلارى قاتىسا الاتىن بولادى. ءبىرىنشى سالىم 100 مىڭ تەڭگەدەن باستالىپ، 10 ميلليون تەڭگەگە دەيىن كوتەرىلەتىن بولادى. ونىڭ سىرتىندا اۆتوكولىك تىگەتىندەر دە كەزدەسەدى دەپ بولجاپ وتىرمىز» - دەيدى ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان.

ازىرگە بۇل دوداعا نيەت ءبىلدىرىپ وتىرعان مەملەكەتتەر ۆەنگريا، رەسەي، قىتاي، موڭعوليا، وزبەكستان قاتارلى ەلدەر.

BAQ.kz