قانات يسلام مەن پاتريك اللوتەيدىڭ سالماق ولشەۋ راسىمىندە بوكسشىلار توبەلەسىپ قالا جازدادى
سالماق ولشەۋ راسىمىندە گانالىق بوكسشى ايزاك اري قازاقستاندىق بوكسشى جانقوش تۇراروۆقا دوق كورسەتىپ، كەڭىردەگىنە جارماستى. بۇعان جۇدىرىعىن الا جۇگىرگەن جانقوشتى ۇيىمداستىرۋشىلار دەر كەزىندە توقتاتتى. شەتەلدىك بوكسشىلار مۇنىمەن شەكتەلىپ قالعان جوق، جانىبەك الىمحانوۆپەن قولعاپ تۇيىستىرەتىن ا ق ش بوكسشىسى ميلتون نۋنەزدە وتانداسىمىزعا جۇدىرىعىن الا جۇگىردى. ولاردىڭ بۇل قىلىعىن قاناتتىڭ جاتتىقتىرۋشىسى لوپەز توقتاتىپ، ولاي جاساۋعا بولمايتىنىن ەسكەرتتى.
زالدان: «جىگىتتەر، بۇگىن سابىر ساقتاپ، ەرتەڭ اياماڭدار!» دەگەن ايقاي ەستىلىپ جاتتى.
ەسكە سالا كەتەيىك، قانات يسلام مەن پاتريك اللوتەي اراسىنداعى جەكپە-جەك 29- قازان كۇنى الماتىدا «الماتى ارەنا» سپورت كەشەنىندە وتەدى.
بۇل كۇنى قانات يسلامنان بولەك، جانىبەك ءالىمحان ۇلى، جانقوش تۇراروۆ، رۋسلان مىرساتايەۆ، الي احمەتوۆ، ايدار شارىبايەۆ، ايدوس ەربوسىن ۇلىنىڭ كاسىبي بوكستاعى ايقاستارىن تاماشالايتىن بولامىز.
