پاتريك قانات يسلامعا سالماق ولشەۋ راسىمىندە سەس كورسەتتى - كەسكىن

استانا. قازاقپارات - بۇگىن قانات يسلام مەن پاتريك اللوتەي سالماق ولشەۋ راسىمىنە قاتىستى، دەپ حابارلايدى قازاقپارات ءتىلشىسى.

قانات يسلام مەن پاتريك اللوتەيدىڭ سالماعى بىردەي - 68 كەلى.

سالماق ولشەۋ راسىمىندە قاناتتى «باۋىزدايمىن» دەپ، موينىن ساۋساعىمەن ءتىلىپ، بەلگى كورسەتكەن اللوتەيگە قانات سابىرلىلىق تانىتا ءبىلدى.

ايتا كەتەيىك، قازاننىڭ 29 ىنداعى كەزدەسۋدە جەڭىسكە جەتكەن بوكسشى سۋپەر ورتا سالماقتا (69 كەلىدە) WBO (الەمدىك بوكس ۇيىمى) تۇجىرىمى بويىنشا قۇرلىقارالىق چەمپيون جانە IBO (حالىقارالىق بوكس ۇيىمى) تۇجىرىمى بويىنشا حالىقارالىق چەمپيون اتاعىن الادى. ال قانات يسلام WBA Fedelatin نۇسقاسى بويىنشا امەريكا ايماعى چەمپيونى اتاعىن قورعاۋى ءتيىس.

بۇعان دەيىنگى كەزدەسۋدە سۇحبات بەرگەن جەكپە-جەك دەمەۋشىسى باۋىرجان وسپانوۆ: «قانات يسلام قازىر WBC (الەمدىك بوكس كەڭەسى) رەيتينگىندە 5-ورىندا تۇر. ەگەر اللوتەيدى جەڭسە، رەيتينگتە ۇزدىك ۇشتىككە ەنەدى. بۇل رەيتينگ قانات يسلامعا كەز كەلگەن ۋاقىتتا الەم چەمپيونى اتاعىنا تالاسۋىنا مۇمكىندىك بەرەدى»، دەگەن بولاتىن.

قانات يسلام مەن پاتريك اللوتەيدىڭ سالماق ولشەۋ ءراسىمى «Mega park» ساۋدا ويىن-ساۋىق ورتالىعىندا ءوتتى.

ەسكە سالا كەتەيىك، قانات يسلام مەن پاتريك اللوتەي اراسىنداعى جەكپە-جەك 29- قازان كۇنى الماتىدا «الماتى ارەنا» سپورت كەشەنىندە وتەدى.