قىتايلىق گازەتتە قازاقستانداعى ۇلتارالىق احۋال تۋرالى ماقالا جاريالاندى
***
قازاقستاندا 131 ۇلت وكىلى تۇرادى، ولاردىڭ دىندەرى ءتۇرلى- ءتۇرلى بولسا دا،（يسلام، پراۆوسلاۆيە، يۋدايزم، بۋدديزم) تالايعى تاريحتان بەرى ءبىر- بىرىمەن سىيلاسىپ، تاتۋ- ءتاتتى ءومىر ءسۇرىپ كەلەدى. قازاقستاندا بولماعان ادامدار، بۇنداي دىنارالىق تۇسىنىستىكتى، باي جانە سان الۋان ءدىني مادەنيەتتىڭ قانشالىقتى دامىعانىن ءتۇسىنۋى قيىنداۋ بولار.
وسىدان ءبىراز كۇن بۇرىن، « Global times » ءتىلشىسى ىسساپارمەن قازاقستاننىڭ ەلورداسى استاناعا باردى. سىرتقى ىستەر مينيسترلىگىندە ىستەيتىن ءبىر 34 جاستاعى قىزمەتكەر بىزگە جول باستاۋشى بولىپ، استانانى ارالاتىپ شىقتى.
ونىڭ تانىستىرۋىنا قاراعاندا، نەگىزىنەن اكادەميالىق جانە تەحنيكالىق جۇمىستارىمەن اينالىسىپ جاتقاندار التىن شاشتى ورىستار، ال ۇكىمەت جۇمىستارىمەن بەلسەندى اينالىسىپ جاتقاندار قارا شاشتى ۇلتى قازاق ەرلەر مەن ايەلدەر ەكەن (اۆتوردىڭ جازۋ ءستيلى ساقتالعان - رەد.).
بازارلاردا، ساۋداگەرلەر كوبىنەسە كورەيلەر، وزبەكتەر نەمەسە ۇيعىرلار بولىپ تابىلادى.
ورىستار اشقان دۇكەندە قازاقتىڭ سەمسەر، دومبىراسى ساتىلىپ جاتادى.
«قازاقستاندا ۇلتتىق ماسەلە - پروبلەما ەمەس، قولونەر بۇيىمدارى دا جالعىز ءبىر ۇلتقا تيەسىلى ەمەس، ول بارلىق قازاقستاندىقتاردىڭ ورتاق مادەني مۇراسى». قىزمەتكەر «Global times» تىلشىسىنە وسىلاي ءتۇسىندىردى.
ۇلتتىق ايىرماشىلىق جانە ۇلتارالىق دوستىق استانا تۇرعىندارىنىڭ جۇزىنە ۇيالاعانداي.
قازاقستاندا باستاۋىش جانە ورتا مەكتەپتەردە كوپتىلدى ءبىلىم بەرۋ جۇيەسى قالىپتاسقان، وقۋشى ءوز قالاۋىمەن ءتىلدى تاڭداپ، سول تىلمەن ءبىلىم الۋىنا بولادى.
ءاربىر ۇلت ءوزىنىڭ ءتىلىن ساقتاپ، ەركىن ءوز مادەنيەتىن دامىتا الادى.
قازاقستان ۇكىمەتى جۇزدەگەن ۇلتتىق- مادەني ورتالىقتارىن قۇرىپ، بارلىق ەتنوستاردىڭ مادەني قۇقىقتارى مەن سالت- داستۇرلەرىن ساقتاۋ ءۇشىن كومەك كورسەتەدى.
استانادان كەتەر الدىندا، Global times ءتىلشىسى «وركەنيەت، ەتنيكالىق، ءدىني قاقتىعىستار كۇشەيگەن زاماندا قازاقستانداعى ءارتۇرلى ەتنوستىق توپتار اراسىندا دوستىق قارىم- قاتىناستى ساقتاپ تۇرعان نە؟» دەپ 34 جاستاعى قىزمەتكەردەن سۇرادى.
ول تەلەفونداعى قازاقشادان قىتاي تىلىنە اۋداراتىن باعدارلاما ارقىلى «كەڭشىلىك» دەپ جاۋاپ بەردى.
***
环球时报) Global Times）- ق ح ر كوممۋنيستىك پارتياسى ورتالىق كوميتەتىنە قاراستى حالىق گازەتى اقپاراتتىق اگەنتتىگىنىڭ حالىقارالىق جاڭالىقتار گازەتى.
العاشقى سانى 1993 - جىلى 1 - اقپاننان باستاپ جارىق كوردى، ال 2009 - جىلى اعىلشىن تىلىندەگى العاشقى نۇسقاسى باسىلىپ شىعارىلدى.
وسىدان كەيىن « Global times » گازەتى قىتايدان الەمگە تاراتىلاتىن ەڭ ۇلكەن اقپاراتتىق امبەباپ گازەتكە اينالدى. ەل ءىشى- سىرتىنا تاراتىلاتىن تيراج سانى 2 ميليوننان استى.
Global Times ينتەرنەت سايتى 2007 -جىلى جارىق كورىپ، الەمنىڭ 150 دەن اسا ەلىنە 500 دەن استام تىلشىلەر ورنالاستىردى. حالىقارالىق جانە قىتايدىڭ ىشكى- سىرتقى ساياسي جاڭالىقتارىن دەر كەزىندە تاراتىپ، The New York Times جانە Los Angeles Times, Washington Post, The Australian سياقتى اقپاراتتىق سايتتارمەن قاتارلاستى.
سايتتىڭ قىتايداعى رەيتينگى - 49 ورىن، الەم بويىنشا 318 ورىندا تۇراقتادى.
