ادامنىڭ اجالىن ءدال بولجاعان ويىن-تاقتا جۇرتتىڭ زارەسىن الدى

استانا. قازاقپارات - ۋيدجا تاقتاسىنىڭ مۇمكىندىكتەرىن پايدالانىپ كورگەن ادامدار قورقىنىشتى وقيعالارىن ءبولىسىپ جاتىر.

سەبەبى، اتالعان تاقتا ادامنىڭ قاشان اجال قۇشاتىنىن ءدال بولجايدى.

بۇل تۋرالى dailymail.co.uk باسىلىمى حابارلايدى.

ايەلدەر مەن ەركەكتەر ۋيدجا تاقتاسىن پايدالانعاننىڭ سالدارىنان قورقىنىشتى وقيعالارىن بولىسۋگە ءماجبۇر. ولار ءتىپتى Reddit جەلىسىندە ورتاق فورۋم قۇرعان. سول جەردە جەلى قولدانۋشىلارى وزدەرىنىڭ اتالعان تاقتانى قالاي پايدالانعاندارىن جازىپ وتىرادى.

وسى تاقتانى پايدالانعان سوڭ، ولاردىڭ بارلىعى دەرلىك ادام ايتسا نانعىسىز جاعدايعا دۋشار بولعان ەكەن. الگى تاقتا كوبىنەسە ادامنىڭ قاشان اجال قۇشاتىنىن بولجايدى. ەڭ باستىسى، سول بولجامى ورىندالادى.

تاقتانى ءالى پايدالانىپ ۇلگەرمەگەن ادامدار وزگەلەردەن كەڭەس سۇراعان. «تاقتانى قولدانىپ كورگەندەر بار ما؟ باتىل جۇرەكتىلەر، تاقتانى قولدانىپ كورگەن بولساڭدار، ول تۋرالى نە ايتار ەدىڭدەر؟ تاجىريبەلەرىڭىزدى بولىسە وتىرىڭىزدارشى» دەپ جازادى ولار. وسى سەكىلدى ساۋالدارعا 200 دەن استام پىكىر جازىلىپ، جەلىدەگىلەر تاجىريبەسىن بولىسكەن. بۇل پىكىرلەردى وقىپ شىققان ادامنىڭ تاقتانى قولدانعىسى كەلمەي قالادى.

ءبىر جىگىتتىڭ اكەسى دوستارىمەن بىرگە ۋيدجا تاقتاسىمەن ويناپ وتىرعان. ويىن بارىسىندا سول جەردە وتىرعان جىگىتتىڭ قايتىس بولاتىندىعى تۋرالى جازىلعان. ارتىنشا ءبىر اپتادان كەيىن الگى جىگىت، راسىمەن دە، قايتىس بولىپ كەتكەن. ەندى بىرەۋلەرى ونى 12-13 جاستارىندا پايدالانىپ كورگەندەرىن ايتادى. سول ۋاقىتتا تاقتادا «مەن سەنى تەرەزە ارقىلى باقىلاپ ءجۇرمىن»، «سەنىڭ كوزىڭ ارقىلى مەن اينالاداعىنىڭ بارلىعىن كورە الامىن»، «قازىر كولىكتىڭ استىندامىن» دەگەن جازۋ شىققان. بالا كولىكتىڭ استىنان ولگەلى جاتقان قارا، ۇلكەن مىسىقتى كورەدى. وسىدان كەيىن ۇيگە جۇگىرىپ كىرىپ، ەكىنشى رەت تاقتانى قولىنا المايدى.

ماتاري ەسىمدى قولدانۋشى ۇيىندە الدەقانداي تىلسىم كۇشتىڭ بار ەكەنىن بايقايدى. وسىعان وراي، اتالعان تاقتانى سىناپ كورمەك بولادى. دوستارىمەن جينالىپ وتىرعان كەزدە تاقتا «دجەمما دجەين» ەسىمىن جازىپ شىعادى. بۇل - سول جەردە وتىرعان جىگىتتەردىڭ ءبىرىنىڭ بيولوگيالىق اناسىنىڭ اتى-ءجونى. ولاردىڭ دوسى ءوزىن قازىرگى اتا-اناسىنىڭ اسىراپ العانىن بىلمەگەن.

ەندى بىردە «اپكەم ءجۇرىپ جۇرگەن جىگىتىنە تۇرمىسقا شىعا ما؟» دەپ سۇرايدى. تاقتا «جوق» دەپ جاۋاپ قايىرادى. ارتىنشا «ولار سوندا ايىرىلىسىپ كەتە مە؟» دەپ سۇرايدى. تاقتا تاعى دا «ءيا» دەپ جاۋاپ قايىرادى. جاعدايدى تۇسىنبەگەن بالا «سوندا ولاردىڭ بىرەۋى قايتىس بولىپ كەتە مە؟ ولار ءبىر-ءبىرىن شەكسىز سۇيەدى. ايىرىلىساتىنداي سەبەپ جوق» دەيدى. بۇل جولى دا تاقتا «ءيا» دەپ جاۋاپ قايىرادى. وسى وقيعادان كەيىن ءبىر اپتا وتكەن سوڭ، اپكەسىنىڭ جىگىتى قايتىس بولىپ كەتەدى.

ەندى ءبىر قولدانۋشى اتالعان تاقتانى 10 جاسىندا قولدانىپ كورگەن ەكەن. ءبىر سۇراقتى تاقتاعا قايتالاپ قويا بەرگەن. بىرنەشە مينۋتتان سوڭ، ول اس ۇيگە بارىپ سۋ ىشپەك بولادى. اس ۇيگە كىرە بەرگەن كەزىندە بارلىق اينەك ىدىس سىنىپ كەتەدى. «ءازىردىڭ وزىندە ءوزىمدى جايسىز سەزىنىپ ءجۇرمىن» دەيدى جاسوسپىرىم. 14 جانە 15 جاستاعى قۇربىلار دا اتالعان تاقتانى تۇندە پايدالانىپ كورگەن. ءبىر قىزىعى، كوزدەرىن جۇمىپ-اشقان ساتتە تاڭ اتىپ كەتكەن. وسىلايشا، ومىرلەرىنىڭ 10 ساعاتىن جوعالتىپ العاندارىن ايتىپ جاتىر. ءتىپتى، سوڭعى ءتۇنى نە ىستەگەندەرى ەستەرىندە جوق. ولار بۇل تۋرالى Reddit جەلىسىندە جازادى.

تاعى باسقا ەكى دوس تاقتادان «بىزدەن باسقا كىم بار؟» دەپ سۇرايدى. ول «رۋف» دەگەن ەسىمدى جازىپ شىعادى. سول جەردە وتىرعانداردىڭ رۋف ەسىمدى ەكى تانىسى بيىل قايتىس بولعان.

بۇلاردان وزگە جىگىت تاقتانى 6- سىنىپتا پايدالانىپ كورگەن. ول دا «بولمەدە بىزدەن باسقا كىم بار؟» دەپ سۇرايدى. تاقتا «رۋت» دەگەن ەسىمدى جازىپ شىعادى. بۇل - جىگىتتىڭ قايتىس بولعان اجەسىنىڭ تەگى ءارى نەمەرە اپكەسىنىڭ دوسىنىڭ ەسىمى. ول ەكەۋى دە بيىل قايتىس بولعان. «ءبىز تاقتانى قايتادان قورابىنا سالىپ قويدىق. ۇيگە كەلگەن سوڭ، ونى شكافتىڭ ىشىنە قويدىم. ونى كورگەن كەزدە ءوزىمدى جايسىز سەزىنەتىن ەدىم. سول سەبەپتى، بىرنەشە جىل وتكەن سوڭ قوقىسقا تاستادىم» دەپ جازادى ول.