قازاق قىزى لوندون وليمپياداسىنىڭ قولا جۇلدەسىن الاتىن بولدى
69 كەلىگە دەيىنگى سالماقتا دوداعا قاتىسقان قازاقستاندىق سپورتشى قوسسايىس قورىتىندىسى بويىنشا 5-ورىن العان بولاتىن. بۇگىن بۇل سالماقتا قولا جانە 4-ورىن العان بەلورۋس اۋىراتلەتتەرى مارينا شكەرمانكوۆا مەن دينا سازونوۆەتستىڭ دوپينگ قولدانعانى ءۇشىن ناتيجەلەرى جويىلاتىنى بەلگىلى بولدى. ناتيجەسىندە وتانداسىمىز قولا جۇلدەگەر اتاناتىن بولادى.
ايتا كەتەيىك، وسىعان دەيىن جەڭىل اتلەت ولگا رىپاكوۆا 2008-جىلعى بەيجىڭ وليمپياداسىنىڭ قولا جۇلدەسىن العان بولاتىن.
وسىعان دەيىن سۆەتلانا پودوبەدوۆا، ءزۇلفيا چينشانلو جانە مايا مانەزا وليمپيادا مەدالدارىن كەرى قايتاراتىن بولعان ەدى. سونداي-اق، كەشە بالۋان تەيمۋراز تيگيەۆتىڭ دوپينگ قولدانۋىنا بايلانىستى بەيجىڭ وليمپياداسىنداعى كۇمىس جۇلدەسىنەن ايىرعان ەدى.
الداعى ۋاقىتتا ح و ك قازاقستاندىق اۋىر اتلەتتەر يليا يلين، الماس وتەشوۆ، ۆلاديمير سەدوۆ، ماريا گرابوۆەتسكايا مەن يرينا نەكراسوۆاعا قاتىستى شەشىمىن شىعاراتىن بولادى.
