الماتىلىق زووباق قىزمەتكەرى كەرىكتىڭ ءولىمى تۋرالى اقپارات ءۇشىن جۇمىستان شىعارىلدى

الماتى. قازاقپارات - الماتىلىق زووباق قىزمەتكەرى كەرىكتىڭ ءولىمى تۋرالى جالعان اقپاراتتى مەكەمە سايتىنا جاريالاعانى ءۇشىن جۇمىستان شىعارىلدى.

بۇل تۋرالى قازاقپارات زووباقتىڭ باسپا ءسوز قىزمەتشىسى توقتار اليەۆكە سىلتەمە جاساپ حابارلادى.

ەسكە سالا كەتەيىك، بۇرىن، زووباق سايتىندا جۋىردا مەلمان ەسىمدى كەرىك ءولىمىنىڭ سەبەبى تۋرالى اقپارات پايدا بولعان. كەيىن مەكەمە وكىلدەرى بوگدە بىرەۋلەر سايتتى بۇزىپ كىرگەنىن مالىمدەدى.

«بۇگىن كۇنى بويى تەرگەۋ جۇرگىزدىك، ەكى نۇسقا بولدى - DDOS- شابۋىل نەمەسە ءبىزدىڭ قىزمەتكەرلەردىڭ ءبىرى. تەرگەۋ كەزىندە ءبىزدىڭ قىزمەتكەرلەردىڭ ءبىرى - حالىقارالىق ءبولىم قىزمەتكەرى شىندىققا جاناسپايتىن اقپاراتتى سايتقا ورنالاستىرعانى بەلگىلى بولدى. سول ءۇشىن قىزمەتتەن بوساتىلدى»، - دەپ حابارلادى ول.

اتاپ وتەيىك، بۇل جانۋارلار ءولىمىنىڭ العاشقى وقيعاسى ەمەس - جۋىردا 6 جاستاعى چيتا ەسىمدى گەپارد ولگەن.

زووباقتا ونىڭ كوپ ۋاقىت اۋىرعانىن حابارلادى. ۆەتەرينارلار ونى ەمدەگەن. ءولىم سەبەبى ساراپتاما ناتيجەلەرىنەن كەيىن بەلگىلى بولادى. مامىر ايىندا زووباقتا جولبارىس ولگەن.

2008-2014 -جىلدارى ولگەن قارلى بارىستاردىڭ ءولىمى شۋ شىعارعان.