ق ر ءدىن ىستەرى جانە ازاماتتىق قوعام ۆيتسە-ءمينيسترى تاعايىندالدى
بۇل تۋرالى ق ر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتىنىڭ باسپا ءسوز قىزمەتىنەن حابارلادى.
ارىن بەرىك ساقباي ۇلى 1969 -جىلدىڭ 5 -ماۋسىمىندا دۇنيەگە كەلدى.
1994 -جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ «فيلولوگيا» ماماندىعىن، 2007 -جىلى قازاق مەملەكەتتىك زاڭ ۋنيۆەرسيتەتىنىڭ «قۇقىق تانۋ» ماماندىعىن ءتامامداعان.
ەڭبەك جولىن 1994 -جىلى قازاقستان رەسپۋبليكاسىنىڭ سىرتقى ىستەر مينيسترلىگى ورتا، تاياۋ شىعىس جانە افريكا باسقارماسىنىڭ رەفەرەنتى لاۋازىمىنان باستادى.
1994 - 1995 -جىلدار ارالىعىندا قازاقستان رەسپۋبليكاسىنىڭ سىرتقى ىستەر مينيسترلىگى ورتا، تاياۋ شىعىس جانە افريكا باسقارماسىنىڭ اتتاشەسى لاۋازىمىن اتقاردى.
1996 - 2001 -جىلدار ارالىعىندا قازاقستان رەسپۋبليكاسىنىڭ ساۋد ارابياسى كورولدىگىندەگى ەلشىلىگىنىڭ اتتاشەسى، ءۇشىنشى حاتشىسى، ەكىنشى حاتشىسى، ءبىرىنشى حاتشىسى لاۋازىمدارىندا جۇمىس اتقاردى.
2001 - 2002 -جىلدار ارالىعىندا قازاقستان رەسپۋبليكاسىنىڭ سىرتقى ىستەر مينيسترلىگى ەكىجاقتى ىنتىماقتاستىق دەپارتامەنتىنىڭ ءبولىم باستىعى.
2002 -جىلدىڭ ناۋرىزىنان قىركۇيەگىنە دەيىن قازاقستان رەسپۋبليكاسىنىڭ سىرتقى ىستەر مينيسترلىگى ازيا، تاياۋ شىعىس جانە افريكا دەپارتامەنتىنىڭ ءبولىم باستىعى.
2002 - 2006 -جىلدار ارالىعىندا قازاقستان رەسپۋبليكاسىنىڭ ەگيپەت اراب رەسپۋبليكاسىنداعى ەلشىلىگىنىڭ كەڭەسشىسى.
2006 - 2007 -جىلدار ارالىعىندا قازاقستان رەسپۋبليكاسى پرەزيدەنتىنىڭ اكىمشىلىگى سىرتقى ساياسات ورتالىعىنىڭ باس ينسپەكتورى.
2007 - 2009 -جىلدار ارالىعىندا قازاقستان رەسپۋبليكاسى پارلامەنتىنىڭ سەناتى پارلامەنتارالىق بايلانىستار جانە حالىقارالىق ىنتىماقتاستىق ءبولىمىنىڭ مەڭگەرۋشىسى.
2009 - 2011 -جىلدار ارالىعىندا قازاقستان رەسپۋبليكاسى پارلامەنتىنىڭ سەناتى اپپاراتى باسشىسىنىڭ ورىنباسارى. وسى قىزمەتتە الەمدىك جانە ءداستۇرلى دىندەر ليدەرلەرى سەزىنىڭ ۇيىمداستىرۋشىلىق سۇراقتارىنا جاۋاپتى بولدى.
2011 -جىلعى جەلتوقساننان باستاپ قازاقستان رەسپۋبليكاسىنىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى، 2012 -جىلعى اقپاننان اراب مەملەكەتتەرى ليگاسى جانىنداعى قازاقستان رەسپۋبليكاسىنىڭ تۇراقتى وكىلى، 2012 -جىلعى مامىردان قازاقستان رەسپۋبليكاسىنىڭ ماروككو كورولدىگىندەگى، 2015 -جىلعى ساۋىردەن الجير حالىق دەموكراتيالىق رەسپۋبليكاسىنداعى، تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارادى.
2015 -جىلعى ماۋسىم ايىندا Ⅱ سىنىپتى توتەنشە جانە وكىلەتتى ۋاكىل ديپلوماتيالىق دارەجەسى بەرىلگەن.
2016 -جىلعى 25 -قازاندا ارىن بەرىك ساقباي ۇلى قازاقستان رەسپۋبليكاسى ءدىن ىستەرى جانە ازاماتتىق قوعام ۆيتسە- ءمينيسترى بولىپ تاعايىندالدى.
